Lo 2 d’octòbre dau 2010, l’autora Magalí BIZOT-DARGENT (au centre de l’imatge) venguèt presentar lo sieu libre « Questions essencialas e autreis escrichs minusculs… » au festenau de Moans-Sartòu. Per aquò faire avia causit l’estant de l’IEO-06 per lo dedicar. Numerós siguèron lu sòcis e lo monde a venir l’escotar sus lo pontin dau café literari « Beaux livres ».
Tenem a l’aremerciar de la sieu participacion e tanben a aremerciar lu responsables dau Festenau dau libre de Moans-Sartòu que donèron una tribuna a l’occitan. La socializacion de la lenga passa per d’eveniments ensinda.
Per aquelu que desiron legir lo libre de Magalí, lo pòdon reservar pròche lu responsables d’ataliers de l’IEO-06.
Magali BIZOT-DARGENT a l’estand de l’IEO-06 : fòto Marc Waltzer
Per legir la novèla : Arquitetura leterària de Magalí BIZOT-DARGENT