La pàgina « Mesclum » dau jornal « La Marseillaise » pareisse en occitan-provençal cada dijòus despi lo 1985. L’i s’atròban d’articles de fons, de renduts còmptes e de fòtos, de novèlas e de romans fulhetons, de dessenhs, de BD e, regularament, d’informacions variadi sus la vida culturala, politica, economica en Occitania. Una experiença unica fins a la parucion dau jornal « La Setmana », ebdomadari politico-culturau occitanista e dau messadier « Aquò d’Aqui» qu’avèm presentat mai d’un còup sus lo nòstre site.
Cau saupre qu’una associacion “Leis amics de Mesclum” sosten la presença setmaniera d’aquesta pàgina en occitan : http://www.amesclum.net/
Li sieus activitats son diversi :
Participacion a la redaccion de la pagina « Mesclum »,
Cors d’occitan provençau,
Conferéncias,
Debats,
Fèsta annala a la rintrada de setembre,
Manifestacions divèrsas, dont :
Collaboracion au concors « Enfance – Jeunesse », de creacion culturala multiforma, de « La Marseillaise », dubèrt ais enfants de la mairala a la tresena,
Organizacion dau concors « Escriure en lenga d’Òc ».
Publicacions :
Armanac de Mesclum que pareis cada annada despuei 1995 conten una seleccion de tèxtes e d’illustracions dei sòcis e collaborators de l’associacion, fòrça utils per l’ensenhament,…
Cau saupre tanben qu’existe un abonament per una annada a La Marseillaise basta per lo dijòus : 35 €.
Se siatz interessat per la pàgina en fòto çai-sota vos pòdi mandar lo sieu P.D.F. basta laissar un messatge en bas d’article.
