RESCÒNTRES OCCITANS DE 2016 – RENCONTRES OCCITANES EN PROVENCE
Lei RESCÒNTRES OCCITANS EN PROVENÇA de 2016 se debanaràn dau :
dimars 26 de julhet (acuelh a 19h) au dimars 2 d’avost (a 14 oras)
au Centre de Vacanças “Istremont”, comuna de St Pierre d’Argençon, dins leis Aups Auts (05). (A 9km de Veynes. Après Sisteron, contuniar en direccion de Laragne, Aspremont puei, just a la sortida dau vilatge prendre a man senestra ST PIERRE d’ARGENÇON. Alt : 750m).
Lo monde se l’i pòu marcar sigue per la setmana completa sigue per lo promier sejorn ò lo segond.
● 1er sejorn : dimècres 27/dijòus 28/divendres 29 de julhet :
LENGA (Joan-Pèire Baquié / Chantau Fourniller) / LENGA Per lo teatre (Joan-Pèire Spies) / PATRIMÒNI (Eliana Tourtet) / CULTURA E CIVILISACION (Felipe Martel) / CANT (Joan-Marotta) / DANÇA (Nicolau Lelong) / ACORDEON (Gaspard Doussière) / COSINA (Mireille Alliaud) / ESCOLETA.
LENGA e Vida vidanta (entrepresas, institucions, poders locaus, eca) (Glaudi Holyst) : una jornada
● 2nd sejorn : dissabte 30 (14h) / dimenge 31 de julhet / Diluns 1 / dimars 2 d’avost (14h)
Lenga e Lenga per lo cònte (Joan-Pèire Baquié. Jòrgi Camani) / ESCRITURA E ORALITAT (Rotland Pecot) / TOPONIMIA (Pèire Bréchet) / ENVIRONAMENT (Bernat Roche) / CANT (Joan Marotta) / BOTIS (Regina Baquié) / DANÇA (Celha Nicolas) / ESCOLETA.
Debats / Conferéncias / Filmes / Balètis / Espectacles / Velhadas…
Lei Rescòntres Occitans en Provença son duberts en totei… pichòts e grands, occitanofònes ò non, natius dau país d’òc ò non… simples curiós d’una lenga e d’una cultura desconoissudas ò saberuts de la question occitana; actors associatius urós de se rescontrar, d’escambiar, de confrontar, de comparar sei biais de faire, de l’i trobar l’envam e l’estrambòrd que lei sostendràn puei tot de lòng de l’annada dins son accion… benevòles ò professionaus; particulars que se vòlon faire plaser dins un luec de convivialitat occitana…
Lei Rescòntres se vòlon : un luec de pratica volontarista de la lenga, d’ajuda a la formacion, de descubèrta de la cultura occitana dins tota sa diversitat… un luec de reflexion, d’escambis, de mesa en comun d’experiéncias e d’informacions, de projèctes, d’espèrs… un luec de rescòntre e de convivialitat.
Contacte : pamoc13@gmail.com / 04 88 19 53 96 / 06 84 73 67 65