Amics occitans, la cronica Ribon-Ribanha d’ancuei, titrada “Aquest an lei tordres an pas passat”, v’es prepauada da Joan Claudi Puech, amic Face Book de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
“La garderem ribon-ribanha, nòsta rebèla lenga d’Òc !”
Aquest an lei tordres an pas passat
Fai dètz-e-sèt an ara, que siáu arribat dins aqueu vilatge de l’ubac dau Leberon. Dau temps de mei premieras passejadas per lo campèstre, siguèri espantat de vèire tant d’aubres, en riba dei camins subretot, envertolhats, tapats d’eurres grands. D’aqueleis aubres que mai d’unei, me semblava, amenaçavan de s’estramaçar! Prenguèri lenga ambé lo cὸnse, qu’eu tanben, quand plantèt cavilha aquí, aquὸ l’aviá un pauquet chironat. De fach èra responsable de la securitat, de l’entretenença de mai d’una via.
“ As ja manjat una astadeta de tordres? Que me venguèt.
-Non
-Sas pas çὸ que perdes!”
M’avisèri puei qu’a quauquei pas dei eurres i aviá, quasi totjorn, un discrèt agachon.
Siáu jamai estat convidat a venir tastar d’aqueleis astadetas. Fau dire qu’aviáu gaire quichat. Dempuei lei tordres se son fachas de mai en mai raras, e aquest an ne vegueriam ges. Es trὸp tard! D’unei dison qu’an cambiat sa migracion. Daumatge, qu’au mes de genier, coma dins la cançon, leis ametliers èran florits.
Joan Claudi Puech Lo 09/03/16
Cette année les grives ne sont pas passées
Cela fait dix-sept ans maintenant que je suis arrivé dans ce village, à l’ubac du Luberon. Du temps de mes premières promenades dans la campagne, je fus épaté de voir de si nombreux arbres, au bord du chemin surtout, entortillés, couverts par de grands lierres. Plus d’un menaçaient, me semblait-il, de tomber lourdement! Je pris langue avec le maire, lui aussi quand il s’installa ici cela l’avait un peu inquiété. Il était responsable de la sécurité, de l’entretien des voies.
“Tu as déjà mangé une brochette de grives? me dit-il.
– Non
– Tu ne sais pas ce que tu perds!”
Plus tard je m’aperçus qu’à quelques pas des lierres, il y avait, presque toujours, un discret poste de chasse.
Je n’ai jamais été invité à venir goûter une de ces brochettes. Il faut dire que je n’avais pas beaucoup insisté. Depuis, les grives se sont faites de plus en plus rares, et cette année nous n’en vîmes aucune. C’est trop tard! Certains disent qu’elles ont changé leur migration. Dommage, car au mois de janvier, comme dans la chanson, les amandiers étaient fleuris.