Lo fronton dau Plan

Nòstre amic, Andrieu responsable de la cronica « Nice-Matin » per l’IEO-06, a decidit de confidar son estilò a Guiu Rami sòci de l’ieo-06. Vautres toi sòcis ò amics nos podetz escriure per prepausar lei vòstres tèxts.

Podetz legir l’article de Guiu Rami encuei dins l’edicion de « Nice-Matin » Grassa.

De pas mancar l’agenda en bas de pagina, que ramenta tanben que lei RESSON D’AQUI se pòdon legir sus lo site nòstre.

Guinchada a la pelòta (1)

Se traversatz lo masatge dau Plan-de-Grassa, podètz desvistar una muralha grandassa emb’una data : « 1878 ». Bessai, seretz un pauc intrigats… Aquò es una istòria e vau assajar de la vos contar.

En 1866, lo Sénher Mero, cònse de Canas, teniá un domèni a « La Pauta », dont si tròba, encuei, lo gòlf de Sant-Donat. Un jorn, un fuec accidentau abrandèt lei bastiments dau mas. Lèu lèu arribèron lei Planencs coratjós per amurcir l’incendi embé de poaires d’aiga. Fasent mòstra de fòrça energia, sauvagardèron una partida de la bastida. Per fin de lei grandmercejar, lo proprietari reconoissent li paguèt un fronton.

Fau dire que, despuei 1780, si jogava a la pelòta dins la region. Fuguèt Onorat, còmte de Mirabèu, lo personatge famós de la Revolucion francesa, qu’ensenhèt ais estatjants de Mogins lei finesas dau « juec de pauma » praticat dins la societat parisenca. Si divertissián tanben lei pichons còntra lei barris de la ciutat de Grassa, a l’endrech que si sòna encuei « juec de balon ». Toteis aqueleis activitats si praticavan a man nuda.

Pichin a pichin, apareguèron de reglaments e si bastissèron de frontons dins mai d’un vilatge. Li a quauqueis annadas, fuguèron tombats aquelei de La Còla e de Prat-dau-Lac. Aquò es una vergonha d’aver laissat destrurre una part de la memòria e de la cultura nòstras. Mai degun faguèt de peticion ò de manifestacion. E òc ! s’agissiá pas de sauvar un pichin babi bofaire ò un tulipan orletat de blu, en via de disparicion.

En 1922, si creèt l’Union Esportiva dau Plan-de-Grassa e sota l’empencha d’un òme, Antòni Gambini, la pelòta s’espandiguèt e visquèt son temps d’òr.

(seguirà)

Guiu Rami. (Pelotaire)

Lo fronton dau Plan
Lo fronton dau Plan

Clin d’œil à la pelote.

Si vous traversez la hameau du Plan-de-Grasse, vous pourrez apercevoir une très grande muraille avec une date : « 1878 ». Peut-être serez-vous un peu intrigués… C’est toute une histoire et je vais essayer de vous la conter.

En 1866, Monsieur Méro, maire de Cannes, possédait un domaine à « La Paoute », où se trouve aujourd’hui le golf de Saint-Donat. Un jour, un feu d’origine accidentelle a embrasé les bâtiments du mas. Les Planois courageux sont arrivés très vite pour éteindre l’incendie à l’aide de seaux d’eau. Faisant preuve de beaucoup d’énergie, ils ont sauvegardé une partie de la bastide. En guise de remerciements, le propriétaire reconnaissant leur a offert un fronton.

Il faut préciser que, depuis 1780, l’on jouait à la pelote dans la région. C’est Honoré, comte de Mirabeau, le célèbre personnage de la Révolution française, qui a appris aux habitants de Mougins les finesses du « jeu de paume » pratiqué dans la société parisienne. Les enfants s’amusaient aussi contre les remparts de la cité de Grasse, à l’endroit appelé, aujourd’hui, le « Jeu de Ballon ». Toutes ces activités se pratiquaient à main nue.

Peu à peu, des règles ont été édictées et l’on a construit des frontons dans plusieurs villages. Voici quelques années, ont été abattus ceux de La Colle-sur-Loup et de Pré-du-Lac. C’est une honte d’avoir laissé détruire une part de notre mémoire et de notre culture. Mais personne n’a lancé de pétition ni organisé de manifestation. Eh, oui ! il ne s’agissait pas de sauver un petit crapaud-souffleur ou une tulipe ourlée de bleu, en voie de disparition.

En 1922, s’est créée l’Union Sportive du Plan-de-Grasse et sous l’impulsion d’un homme, Antoine Gambini, la pelote s’est popularisée et a connu son âge d’or.

(à suivre)

Agenda :

Tous les « Resson d’Aquí » sur le site :

http://ieo06.free.fr/

Le n° de mai du mensuel “Aquò d’Aquí”, bilingue oc-français est paru (voir sur le site ieo06)->

http://ieo06.free.fr/article.php3?id_article=615

Laisser un commentaire

Votre adresse e-mail ne sera pas publiée. Les champs obligatoires sont indiqués avec *