Amics occitans, la cronica Ribon-Ribanha d’ancuei titrada “Au visc l’an nòu” v’es prepauada da Tanta Zefirina. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
“La garderem ribon-ribanha, nòsta rebèla lenga d’Òc !”
Au visc l’an nòu
Arriba l’an novèu e dintre lo saquet plen de resolucions, vi convidi a ficar li pichini astùcias, de lònga afortidi da la television.
Per joïr d’una santat mai que resplendissenta, caurà manjar de fruchas, au manco cinc au jorn, un aubre per setmana. De poms per lo ferre, un pendon de bananas riqui de potassiom e de portegals segur encausa dei vitaminas. Deuretz beure sovent, doi litres d’aiga minimom e pi un actimel qu’emb’au sieu gròs million de bacilli casei nutricis sani v’endruderà lo còrs còntra la megacrassa.
En guisa de medecina, pilheretz un té verd que sauva dau diabète, un gòto de vin roge desviant l’infarctús, un autre de blanc per mainajar lu nèrvis e enfin una bièrra dai virtuts digestivi. Aspereretz una ora tra lu varis remedis, lo temps per vos vueiar dau bròdo superflú e ensin evitar que tot aqueu mesclatge v’indue en un còup l’ataca cerebrala.
Non oblidatz tanben de manjar de fibras, de molonàs de fibras, fins que capiteretz de c…r una malha. E deuretz manjar plan quatre a sièis fes lo jorn, tentant de masticar cent còups cada bocon. Vi toquerà cinc oras segon lu mieus calculs en mai dei momenets per si lavar lu dents, après lo pom, après li fibras, après lo vin, après lo portegal… sensa denembrar d’entraucar lo fiu dentari, de fretar li gengivas e refrescar m’au plax après lo pom, après li fibras, après lo vin…
E durmiretz uech oras e travalheretz uech oras qu’ajustadi ai cinc autri que sobrerà lo past vos laisseràn tres oras per li diversi activitats toti preconisadi coma percórrer a pen quauque tres quilometres, legir doi-tres jornals e finda una revista, estaire au fiu dei nòvas embé la telaranha ò la television e sonar lu amics que son pariers ai plantas, van aigats cada jorn.
Caurà pi trovar lo temps per lavar e pressar, escobar lu cantons e passar l’estopon, bailar lu enfants e governar lo can, far l’amor da Dea e provant de sortir dau tran-tran quotidian, multiplicar li rusas, lu esfòrç de seduccion e d’imaginacion e li acrobacias li mai alambicadi.
Tot aquò demanderia 29 oras de temps, impossible, mi diretz. Nani, pron lèu empareretz a gropar li fachendas. Exemple, porretz v’anar dochar mé la boca duberta per fins de surbir lu vòstres litres d’aiga, vi lavar lu dents mentre faretz l’amor e passar l’estopon davant la television, emplegant l’autra man per manjar lo pom e per beure lo vin ensems au té verd e au casei defensis fortis.
Aüra vos laissi que tra lo pom, lo iogort, la bièrra, lo premier litre d’aiga e lo terço past de fibras, mi tòca córrer au pati dont aprofiterai per mi lavar lu dents.
Bòna annada en tooooooooooooi !
Tanta Zefirina
Au gui l’an neuf
L’an nouveau arrive et dans le paquet plein de résolutions, je vous invite à caser les petites astuces, régulièrement prônées par la télévision.
Pour jouir d’une santé tout à fait resplendissante, il faudra manger des fruits, au moins cinq par jour, un arbre par semaine. Des pommes pour le fer, une grappe de bananes riches en potassium et des oranges bien sûr à cause des vitamines. Vous devrez boire souvent, deux litres d’eau minimum et puis un actimel qui avec son gros million de bacilli casei nutricis sani vous fortifiera le corps contre la mégacrasse.
En guise de médicaments, vous prendrez un thé vert qui sauve du diabète, un verre de vin rouge qui empêche l’infarctus, un autre de blanc pour ménager les nerfs et enfin une bière aux vertus digestives. Vous attendrez une heure entre les différents remèdes, le temps de vous vider du bouillon superflu et ainsi éviter que tout ce mélange vous déclenche d’un coup l’attaque cérébrale.
N’oubliez pas aussi de manger des fibres, des tonnes de fibres jusqu’à ce que vous parveniez à c…r un pullover. Et vous devrez manger lentement, quatre à six fois par jour, en tentant de mastiquer cent fois chaque bouchée. Cela vous prendra cinq heures selon mes calculs, en plus des moments passés à se laver les dents après la pomme, après les fibres, après le vin, après l’orange… sans omettre d’introduire le fil dentaire, de frotter les gencives et de rafraîchir au plax, après la pomme, après les fibres, après le vin…
Et vous dormirez huit heures et vous travaillerez huit heures qui ajoutées aux cinq autres que durera le repas vous laisseront trois heures pour les diverses activités toutes préconisées comme de parcourir à pied quelques trois kilomètres, lire deux-trois journaux et aussi une revue, se tenir au courant des nouvelles avec Internet ou la télévision et appeler les amis que, tout comme les plantes, on doit arroser chaque jour.
Il faudra ensuite trouver le temps de laver et repasser, balayer les recoins et passer l’éponge, prendre soin des enfants et s’occuper du chien, faire l’amour comme une déesse et, tentant de sortir du train-train quotidien, multiplier les ruses, les efforts de séduction et d’imagination et les acrobaties les plus alambiquées.
Pour tout cela il faudrait avoir 29 heures devant soi, impossible, me direz-vous. Pas du tout, rapidement vous apprendrez à grouper les activités. Exemple, vous pourrez aller vous doucher la bouche ouverte afin d’absorber vos litres d’eau, vous laver les dents tandis que vous ferez l’amour et passer l’éponge devant la télévision, en utilisant l’autre main pour manger la pomme et pour boire le vin avec le thé vert et le casei defensis fortis.
A présent je vous laisse car entre la pomme, le yaourt, la bière, le premier litre d’eau et le troisième repas de fibres, il me faut courir aux toilettes où je profiterai pour me laver les dents.
Bonne année à touuuuuuus !