Amics occitans, la cronica Ribon-Ribanha d’ancuei, titrada ” Castanha e Castanhada, Plaser e Dolor”, v’es prepauada da Joan-Marc RABIER, sòci de l’IEO-06, originari d’Avairon. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
“La garderem ribon-ribanha, nòsta rebèla lenga d’Òc !”
Castanha e Castanhada,
Plaser e Dolor
Vaquí tornat lo temps de las castanhas… lo bèl autona nos pòrta amb plaser e dolor aquel fruch tant gostós.
Esfòrç de las anar amassar dins los castanhals !
Dolor de se piquar los dets a las espinàs de los airices !
Caliá davalar dins los bòsques per las cercar jos las fuèlhas dals castanhièrs, jaunas, dauradas e brunas que curbian la terra jà frèda !
« Defòra ! » s’ausissiá gridar de còp en còp entre los aubres. Los vesins ! Aimàvan pas de veire tots los mainatges dal país barrutlar e farfolhar dins los bòsques! « I a de castanhas per cadun mas a cadun son castanhal ! » disiá mon grand-paire .
Tornat à l’ostal, se preparava la primièra castanhada….durbrir al cotèu cada castanha per soslevar la pèl, cercar e netejar la padena castanhièra, ben traucada e ben nègra, anar quèrre de bois a la boissièra per lo primièr fuòc (lo que far tant de fum per las far susar) e portar dal fons de la vinha los gavèls pron secs de l’an passat…
Lo ser arribava e amb el lo moment d’alucar lo fuòc. Lo paire e nosautres dròlles s’acampàvem a l’entorn de la chiminèia e la ceremònia podiá commençar. La padena èra metuda sus lo trespès. Dejós i aviá los gavèls e las boissadas qu’esperàvan lo sacrificí….Lo fuòc alucat, lo fum montava doçament dins l’aire e envahissiá tot l’ostal. La maire romegava ! Als uèlhs las lagrimas nos venián ! Mas jà las flamas entortovilhàvan la sartan coma mila mans de fuòc que dansan dins una ronda de fadas una nuèch de luna plena. Calià bolegar soventas fes las castanhas per non las far cremar. Mièja-ora après tot èra cuèch e veniá ara lo moment de las vujar dins una banasta coberta d’una saca. Paire e grand-paire disián a un dels pichòts, d’una votz de magistre, de s’assetar dessus per las far ramolir e acabar de coire. Una batalha a cada còp per causir l’urós elegit que se caufarà lo cuol assetat sus aquel sèti naut e caud !
La banasta pausada sus la taula, puèi duberta pauc a pauc d’una man doça, tot lo mond s’acampava a l’entorn per manjar lo tresòr dau bòsc. Quin plaser ! E quina dolor de se brutlar los dets a la pèl rostida e brutlanta !
Plaser e dolor, vos diguèri a la debuta….
Un plaser per deman
Un plaser que se doblida pas , que s’espèra cada autona
Un plaser qu’es tornat un an de mai…
Una cadena dins lo temps.
Plaser sens fin
Plaser….
Jean-Marc RABIER Niça lo 29/09/2012
Lo villatge de Pinet en Avairon
Châtaigne, Grillade
Plaisir et douleur,
Voici revenu le temps des châtaignes….le bel automne nous apporte avec plaisir et douleur ce fruit si délicieux.
Efforts pour aller les ramasser dans les châtaigneraies !
Douleur en se piquant les doigts aux épines des bogues !
Il fallait descendre dans les bois pour les chercher sous les feuilles des châtaigniers, jaunes, dorées et brunes, qui recouvraient la terre déjà froide !
« Dehors ! » on entendait crier de temps à autre entre les arbres. Les voisins !
Ils n’aimaient pas voir les enfants du village rôder et farfouiller dans les bois ! « Il y a des châtaignes pour tout le monde mais à chacun sa châtaigneraie ! » disait mon grand-père.
Revenus à la maison, on préparait la première grillade….ouvrir au couteau chaque châtaigne pour en soulever la peau, chercher et nettoyer la poêle à châtaignes, bien trouée et si noire, aller chercher du buis dans les massifs pour la première flambée (celle qui dégage beaucoup de fumée pour les faire suer) et rapporter du fond de la vigne les sarments bien secs de l’année dernière.
La soirée s’avançait et venait avec elle le moment d’allumer le feu. Mon père et nous les enfants, nous nous rassemblions autour de la cheminée et la cérémonie pouvait commencer. La poêle était placée sur le trépied. Dessous il y avait les sarments et les rameaux de buis qui attendaient le sacrifice….
Le feu allumé, la fumée montait doucement dans l’air et envahissait toute la maison. Notre mère rouspétait ! A nos yeux, les larmes venaient. Mais déjà les flammes entouraient la poêle comme mille mains de feu qui dansaient une ronde de sorcières une nuit de pleine lune. Il fallait souvent les remuer afin qu’elles ne brûlent pas. Demi-heure après tout était cuit et venait le moment de les verser dans une corbeille recouverte d’un sac de jute . Père et grand-père disaient d’une voix magistrale à un des enfants, de s’asseoir dessus pour les faire ramollir et en achever la cuisson. Une bataille à chaque fois pour choisir l’heureux élu qui se chaufferait le cul assis sur ce siège haut et chaud !
La corbeille posée sur la table, puis ouverte petit à petit d’une main délicate, tout le monde se rassemblait autour pour manger le trésor du bois. Quel plaisir ! Et quelle douleur de se brûler les doigts à la peau grillée et brûlante !
Plaisir et douleur, vous avais-je annoncé au tout début…..
Un plaisir pour demain
Un plaisir qui ne s’oublie pas, qu’on attend à chaque automne
Un plaisir revenu un an de plus
Une chaîne dans le temps
Plaisir sans fin
Plaisir…..