Amics occitans, la cronica Ribon-Ribanha d’ancuei, titrada “Lu ortilhonatges d’Amiens.”, v’es prepauada da Joan-Pèire BAQUIÉ president de l’IEO 06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
“La garderem ribon-ribanha, nòsta rebèla lenga d’Òc !”
Lu ortilhonatges d’Amiens.
Lu ortilhonatges d’Amiens.
Lu ortilhonatges d’Amiens son de tròç de tèrra copats per de beals sonats lu rius. S’espandisson sus 300 ectars e son banhats per la Sòma e lo Avre.
Sus lu rius navigan de barcas dau fond plat que siervon a la circulacion dei gents, dau material e dei ortalhas, vielh mòt occitan sinonime de lieumes.
Datar lu ortilhonatges es dificile mas sabem per de manuscrits qu’existion denant l’época romana. Lo nom d’ortilhon (Hortulani) siguèt donat ai jardiniers dau luec per lu sordats romans de Juli Cesar.
Li ribas dei rius son frales e demandan d’èstre tratengudi de lònga. Per assegurar una regularitat dau nivèu de l’aiga, lu òmes an bastit tres enclusas. Pasmens la beta e li aluvions devon èstre remontadi emb’una pala sonada la draga. Pi aquesta beta si deu placar lo lòng dei ribas.
La draga dei ortilhonatges
Rics en matèria organica, lu sòls torbós dei ortilhonatges d’Amiens, devon èstre aigats sovent. Permeton tres recòrtas d’ortalhas l’an.
Lu ortilhonatges permeton 3 recòrtas l’an.
Basta lo dètz dau cent dei ortilhonatges son laurats : travalhar sus aquesti tèrras es penós. Cau tot si camalar sus li barcas : motocultors, benzina, ortalhas, eca… Lo sobran dei ortilhonatges son venguts de luecs d’aises. Lu proprietaris venon passar la dimenjada e li vacanças en familhas sus d’aquesti isoletas qu’an mai ò mens toti una pichina maion sobre.
Lo sobran dei ortilhonatges son venguts de luecs d’aises
Una associacion per la proteccion dau site s’es meme creada en lo 1975. Fa visitar lu ortilhonatges sus de barcas a “cornet” ( de 9 a 10 mètres) dau motor electric. La velocitat deu pas escompassar 4 quilomètres l’ora per fins de pas degalhar li ribas. L’argent recampat sierve tra autre au sanar dei luecs, la lucha còntra la polucion, lo dragatge dei rius, lo respèct d’aquest site unic en França.
Barca a “cornet”.
Se passatz dins la region, anatz-li pura, passeretz un bòn moment en un luec encantador e quiet au mitan dei ànedas, polas d’aiga, folcas, cinhas, granolhas, garris-vibres… en mai porretz visitar la catedrala d’Amiens, la mai grana de França, embé mai de 3 000 estàtuas sus la sieu façada.
La catedrala d’Amiens.
Joan-Pèire BAQUIÉ lo 16 de mai dau 2013.
Les hortillonnages d’Amiens.
Les hortillonnages d’Amiens sont des parcelles de terre entrecoupées par des canaux appelés rieux. Ils occupent 300 hectares et sont arrosés par la Somme et le Avre.
Sur les rieux naviguent des barques à fonds plat qui servent aux déplacements des personnes, du matériel e des “ortalhas”, vieux mot occitan synonyme de légumes.
Lu ortilhonatges d’Amiens : camp de pòrres.
La dater l’apparition des hortillonnages est difficile mais nous savons par des manuscrits qu’ils existaient avant l’époque romaine. Le nom d’hortillon (Hortulani) fut donné aux jardiniers du lieu par les soldats romains de Jules César.
Les berges dei rieux sont fragiles et requièrent d’être entretenues continuellement. Pour assurer une régularité du niveau de l’eau, les hommes ont construit trois écluses. Une drague remonte la vase et les alluvions. Puis cette vase doit être plaquée le long des berges.
Riches en matière organique, les sols tourbeux des hortillonnages d’Amiens doivent être souvent arrosés. Ils permettent trois récoltes par an.
Seulement 10% des hortillonnages sont labourés : travailler sur ces terres est pénible. Il faut tout transporter sur les barques : motoculteurs, essence, légumes, etc… Les 90% restants des hortillonnages sont devenus des lieux de loisirs. Les propriétaires viennent passer la fin de semaine ainsi que leurs vacances en famille sur ces îlots qui possèdent presque tous une maisonnette dessus.
Une association pour la protection du site a été créée en 1975. Elle fait visiter les hortillonnages sur des barques à “cornet” (entre 9 et 10 mètres) munies d’un moteur électrique.
Li amienenqui : maions bastidi embé de malons roges.
La vitesse de ces embarcations ne doit pas dépasser 4 km à l’heure afin de ne pas endommager les berges. L’argent récolté sert entre autre à l’assainissement des lieux, la lutte contre la pollution, le dragage des rieux, le respect de ce site unique en France.
Amiens : lo centre ciutat.
Si vous passez dans la région, allez-y donc, vous passerez un bon moment dans un lieu enchanteur et paisible au milieu des canards, poules d’eau, foulques, cygnes, grenouilles, ragondins… vous pourrez visiter aussi la cathédrale d’Amiens, la plus grande de France, avec plus de 3000 statues sur sa façade.
