Amics occitans, la cronica Ribon-Ribanha d’ancuei, titrada “Un’istòria bèstia…..”, v’es prepauada da Carlota RUBINI secretairitz de l’IEO 06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
“La garderem ribon-ribanha, nòsta rebèla lenga d’Òc !”
Un’istòria bèstia……
Agromicelada dintre la mieu bòna poltrona blu, siáu a badalhar davant la fenèstra, quora, tot en un còup, vèi una forniga roja que corre per sòl dau solelhaire……
-« Ò ! pichoneta que fas aquί soleta ? Dont es lo tieu ? »
Pòrgi la man sensa m’auçar, mas aquesta bèstia si laissa pas achapar ! e surpresa ! la mieu man tòca la gruelha bruna e daurada d’un tavan ! Aquela pi ! Aurii pilhat una forniga en luec d’un tavan ? Espalanqui lu uelhs un pauc mai e……ai la boca seca, la gòrja serrada, lo còr que fa lo tibo-tibo, mi ven lo mau de mar…. : en faça de ieu, si dressa una tartuga pichina, pichina, sus li sieu doi patas de darrier ! Ai la carn de galina….Cen qu’es tot aquesto círcol ? M’en vau en champanèla aüra ? Mas la bèstia si mete a rire sota gorjon !
– « Non vos manchonatz de ieu ! Non vos escracanhatz dau rire, vautres ! Es ver cen que cuenti ! Mefi ! Vos vau cercar garolha e plus jamai vos parlerai ! (N’i a, bessai que seràn contents !) L’ai vertadierament vista, la tartuga ! E sabetz cen que m’a fach ? M’a fach un pan de nas ! »
Mi siáu pessugada per èstre segura qu’èri ben desvelhada ! Avii bessai lu uelhs dont li galinas fan l’òu ?…..Pura èri ben en faça d’una tartuga que si riía !!!! Siáu estada a badar coma un forn davant aquesto fenomeno. E pi, l’emocion passada, mi siáu pensada : ò, Carlòta, fai bus ! non faire lo morre de tòla, non batre la sirigauda, perque, bessai qu’aquela bèstia a de suc e deves pas li cercar de belugas……
A la segonda que pilhavi aquesta decision muta, que veguèri ? Una bestiassa mostruoa que sortia dau trauc de la degolinada d’aiga de la terrassa, quora plòu. Èra una lagramüa verda tota bofigada ‘mé de bofigons que tremolavan e gonflavan sus la sieu esquina ! Ieu, en aquesto moment, cresii de perdre li bèrgolas, la sudor banhava la mieu malheta, aurii ben vorgut m’auçar e pilhar lo doi de copa, mas, justament podii pas ! Estaii clavelada dins la mieu poltrona blanca (avia meme cambiat de color…). Eri a la tècola, ‘mé la paur que m’estrenheva lo ventre. Cresii de plegar li parpèlas……..
Alora duerbi lu uelhs…non ! n’i a pron aüra ! ai pròpi la pavana ! ai cridat coma un garri que ven de s’esquichar la coa …Un cocodrilo gigantesc volia s’esquilhar contra de ieu dins la poltrona ! Ai bramat tant fòrt d’espavent que mi siáu desvelhada……..D’una bèla l’ai escapada, né ?
Encara mai un racònte de ma tanta la bòrnha ! E cric e crac, lo mieu pantais es accabat !
Carlota RUBINI
Une histoire bête…..
Blottie dans mon bon fauteuil bleu, je rêvasse devant la fenêtre, quand, soudain je vois une fourmi rouge courir sur le sol de la terrasse couverte :
-« oh ! petite, que fais-tu ici, toute seule, où est ta maison ? »
Sans me relever, j’avance la main, mais cette bestiole ne se laisse pas prendre ! et surprise ! ma main touche la carapace foncée et dorée d’un cétoine ! ça alors ! j’aurais pris une fourmi pour un hanneton ? J’écarquille les yeux un peu plus et aussitôt j’ai la bouche sèche, la gorge serrée, le cœur qui bat la chamade, j’ai le mal de mer … : devant moi se dresse sur ses deux pattes arrière une toute petite tortue! J’ai la chair de poule…Qu’est-ce tout ce cirque ? Je divague maintenant ? Mais la bête se met à rire sous cape !
-« Ne vous moquez pas de moi ! N’éclatez pas de rire vous autres ! C’est la vérité que je raconte ! Attention ! Je vais vous chercher querelle et je ne vous parlerai plus jamais ! (Il y en a peut-être qui seront contents !) La tortue, je l’ai vraiment vue ! Et savez-vous ce qu’elle m’a fait? Elle m’a fait un pied de nez ! »
Je me suis pincée pour être sûre que j’étais bien éveillée ! Je n’avais peut-être pas les yeux en face des trous ?…Pourtant j’étais bien en face d’une tortue qui riait !!! Je suis restée bouche ouverte comme un four devant ce phénomène. Et puis, l’émotion disparue, j’ai pensé : eh ! Carlòta, fais semblant, ne fais pas ta mauvaise tête, ne tremble pas de peur, parce que cette bête, peut-être, a de l’esprit et tu ne dois pas lui chercher noise….
A la seconde où je pris cette décision muette, que vis-je ? Une énorme bête hideuse qui sortait de l’orifice d’écoulement de l’eau de la terrasse, quand il pleut. C’était un gecko vert tout bosselé de bulles qui tremblaient et qui gonflaient, sur son dos ! A cet instant, je crus défaillir, la sueur mouillait mon tricot, j’aurais bien voulu me relever et prendre rapidement la fuite, mais je ne pouvais pas, justement ! Je restai clouée dans mon fauteuil blanc (il avait même changé de couleur….) J’étais au bout du rouleau, la peur me nouait le ventre. Je croyais mourir……
Alors j’ouvre les yeux…non ! il y en a assez maintenant ! la panique m’étreint, j’ai crié comme la souris qui vient de se coincer la queue….Un crocodile gigantesque voulait se glisser contre moi, dans le fauteuil ! J’ai hurlé si fort d’épouvante que je me suis réveillée….Je l’ai échappée belle, n’est-ce pas ?
Encore une histoire à dormir debout ! Et cric et crac, mon rêve est terminé !