Amics occitans, la cronica Ribon-Ribanha d’ancuei, titrada “La tradicion dei Rampaus.”, v’es prepauada da Joan-Pèire OPERTO sòci de la SAHM (Societé d’Art et d’Histoire du Mentonnais). Joan-Loís CASERIO, president de la SAHM, ne’n faguèt la traduccion en mentonasc e Joan-Pèire BAQUIÉ aquela en niçard.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
“La garderem ribon-ribanha, nòsta rebèla lenga d’Òc !”
La tradicion dei Rampaus
Pichonet, vèrs lu ans 1953-54, m’a sempre plasut d’entreçar li pàumolas embé mon fraire Marcèu, pi solet. Era una vera passion per ieu.
Aquela tradicion ven d’un temps antic. Per aquò, calia anar talhar li pàumolas en lo còr dau paumolier en faguent daida de non èstre ponhut. Aqueli bèli pàumolas ben jauni avian pas encara vist lo soleu. Es basta après que venon verdi.
L’i son totplen de modeles de pàumolas entreçadi : crotz simpla, dobla, ò embé una roseta au mitan, fins au rampau entreçat que son de veros cap d’òbra. D’una autessa de 30 a 50 cm, la pàumola es decorada de cavanhòus entreçats, de rosetas, de jorginas. Lu parents garnisson de chicolada, d’òus, de galinas, peças de moneda e d’autri doçors la pàumola beneta a la messa dau dimènegue. Après solament si podia manjar la chicolada.
Asperavi aqueu jorn per anar davant la glèia de Carnolés per vendre lu rampaus entreçats e emplir un pauc lo mieu pòrta-moneda. Emb’au temps si siam mes de pacti, emb’un autre venditor per prepauar au meme prètz.
Mas lo mai dificile, èra de trovar de pàumolas. De còup que l’i a, anavam fins a ne’n raubar quauqu’uni. E calia demandar un papeiron a la meria per justificar de dont venian li pàumolas. Lo premier arribat, avia la mai bòna plaça. Quauqui pràcticas comandavan crotz e rampaus e demandavan de lu faire benedir. N’i a d’autri que venian bòn’ora en veitura causir lu mai bèi e donavan un gròs bilhet per pagar mai que lo prètz fixat. M’enavisi de Robèrt Viale “lo Pirata” e d’Andrieu Schultz proprietari dau restaurant l’Hacienda en la valada de Gòrb.
De còup que l’i a aviavam pus ren da vendre quora arribava la darniera messa e faiavam lèu quauqui crotz emb’ai sóbrias ò donavam quauqui branquetas de bois ò d’olivier còntre quauqui pecetas de noneda.
Quauqui annadas fa, l’escòla de la « Villa Blanche » e lo professor Joan-Pèire Rolando mantenguèron la tradicion e lu escolans sieus faían e vendian lu rampaus per si pagar un bèu viatge toi ensems per la din d’annada.
Ancuei, ai tres felens e mi faria gran plasir qu’elu perpetuèssan aquela bèla tradicion dau país nostral. (Adaptacion au niçard : Joan-Pèire Baquié)
A tradician da Ramouriva
Pichounet, vers u anne 1953/54, m’a sempre apieijù de « fà a ramouriva » dame moun fraire Marcé puhi da souret. Es una vera pacian per mi.
Aquela tradician ven du temp’ antigue. Per acò, carrìa anà talhà e parme ent’ou couhe du parmourìe en fasent daida de noun esse pounch. Aquele belle parme ben jaune n’avìan pancà vist ou sourelh. Apress devenan verde.
Y ese pran de moudelou de ramouriva : crous’ sèmplicha, doùbia, o dam’una resoureta, fint’ à n’aquela capou d’obra. D’un’ autessa de 30 à 50 cm, a parma ese decouràia de cavagnete, de resourete e de jorgine. U parente engarnishan de chicoulata, d’òu, galine, pece de mounéa e autre douçoù a ramouriva benesìa n’a messa dou duménigue. Apress soulament se pourìa manjà à chicoulata.
Asperava aquelou jorn per anà davant a guieja de Carnourés per vende e ramourive e iempì un poc ou men pouarta-mounéa. Dam’ou temp, se sema metù d’acordi, dam’u autre vendahoù per proupousà ou meme pres. Mà ou pu difìchile, era de trovà de parme. De vote, anavan finte raubà quarqu’une. E carrìa demandà un papìe ent’a merìa per justificà douna venìa e parme.
Ou primou arribà, avìa a pu bouana piaça. Quarque cliente coumandavan crouse e ramourive e demandavan de fa-re benesìe. Y n’ha d’autre que venìan da boun’oura dam’a vatura cerne e pu belle e dounavan un grosse bilhet per pagà mài qu’ou pres fissà. Me n’avisou de Robert Viale “ou Pirate” e de André Schultz prouprietari dou restaurant l’Hacienda ent’a valada de Goarbe.
De vote n’avìan pu ren da vende coura arribava a darrìa messa e fasìan vitou quarque crouse dam’e soubrìe o dounavan quarque branquete de bouss e d’aurevìe couentra quarque pecete de mounéa.
Quarqu’ u anne fà, a scora da « Villa Blanche » e ou proufessoù Jouan Pietrou Rolando an mantengù a tradician e u scoulari fasìan e vendìan e ramourive per pagà-se un belou viage tout enseme per a fen de r’ann. Ancuhi, ai 3 pichoù-filhe e me farìa pran pieijhé qu’elu perpetuessan aquela bella tradician dou pais-nouaish. (revirada JL Caserio)
La tradition des Rameaux tressés
Depuis mon plus jeune âge, dans les années 1953/1954, j’ai toujours aimé “faire les rameaux” d’abord avec mon frère Marcel puis tout seul. C’est pour moi une véritable passion.
La tradition des palmes tressées se perpétue depuis très longtemps dans notre région le dimanche avant Pâques. Nous allions donc couper les palmes quelques jours avant, dans le cœur des palmiers en prenant bien soin de ne pas se piquer. Les plus belles palmes pour réaliser les rameaux sont toutes jaunes car elles sont serrées entre-elles et n’ont pas encore vu le soleil. Ce n’est qu’ensuite qu’elles deviennent vertes.
Il y a plusieurs modèles de rameau allant de la croix simple, la double ou avec une rosette au centre, jusqu’au rameau proprement dit qui est une petite œuvre d’art lorsqu’il bien réalisé. D’une hauteur variant entre 30 et 50 cm en général, il se compose de paniers tressés, de rosettes et d’accordéons selon l’imagination du faiseur de rameau. Les parents garnissent les rameaux de chocolats, œufs, poules, pièces de monnaies… Le dimanche matin, on les fait bénir à l’église et c’est seulement après que les enfants ont le droit de manger les chocolats.
J’attendais avec impatience le jour des Rameaux pour aller devant l’église de Carnolès vendre mes créations et mettre un peu d’argent dans la tirelire. Avec les années, la malice venant, nous nous mettions d’accord pour proposer des prix corrects et nous nous y tenions. Les années passant, il devenait de plus en plus difficile de trouver des palmes. Il fallait quelques fois en dérober dans des jardins. Par la suite nous avons dû demander une autorisation à la mairie avec justification de la provenance des palmes.
C’était à qui arriverait le premier devant l’église pour avoir la meilleure place. Certains acheteurs venaient très tôt pour réserver croix et rameaux et nous demandaient même de les leurs faire bénir. J’ai également le souvenir de 2 personnes très connues qui passaient de bonne heure en voiture, baissaient la vitre, se faisaient présenter quelques rameaux, ils choisissaient souvent les plus gros, et payaient avec un gros billet dépassant largement la somme demandée en disant :”Le reste c’est pour la tradition”. Il s’agit de Robert Viale dit “Le Pirate” et de André Schultz propriétaire du restaurant l’Hacienda dans la vallée de Gorbio, très réputé à l’époque. Vous imaginez que nous nous disputions ces bons clients.
Très souvent à l’heure de la dernière messe, nous n’avions déjà plus rien à vendre et avec quelques restes de palmes nous en tressions pour les retardataires. Nous proposions aussi des branches de buis et d’olivier, véritable rameau, et certaines personnes ne voulaient que cela et elles nous glissaient dans la main quelques pièces…
Pendant quelques années, l’école de la “Villa Blanche”, sous l’impulsion de Jean-Pierre Rolando, mobilisait les élèves pour tresser et vendre des rameaux devant toutes les églises de Menton et Roquebrune. Les fonds recueillis servaient à organiser un voyage en fin d’année scolaire. Aujourd’hui j’ai 3 petits enfants, ce serait un grand plaisir pour moi de leur passer le flambeau afin de perpétuer cette belle tradition.
Pierre Operto
Proverbe mentonasc :
Un mass de Ramouriva ounch d’aiga signàia, fa courre ou lamp e a gragnouràia (Un bouquet de rameaux, trempé dans l’eau bénite, chasse l’éclair et les chutes de grêle)