Amics occitans, la cronica Ribon-Ribanha d’ancuei, titrada “Félix Arnaudin. Le guetteur mélancolique, visita d’una exposicion au musèu d’Aquitània de Bordèu,” v’es prepauada da lo nòstra sòcia Alexandra DESMOULIN.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
“La garderem ribon-ribanha, nòsta rebèla lenga d’Òc !”
« Félix Arnaudin. Le guetteur mélancolique », visita d’una exposicion au musèu d’Aquitània de Bordèu
Quora siáu en Perigòrd, pilhi sovent una jornada per anar mi passejar a Bordèu, que cau basta una ora e mieja de trin per far lo viatge. De costuma, aquela jornada es puslèu una jornada shopping. Mas aquest estiu, embé la plueia (la soleta setmana de plueia pendant un estiu de canicula), mi calia cambiar lo programa. Coma non volii anullar la mieu jornada a Bordèu, ai regardat çò que l’i avia coma exposicion temporària dins lu musèus. Ensinda, embé un temps que fasia semblar aquel jorn d’aost a un jorn de novembre, siáu anada au musèu d’Aquitània per l’exposicion titolada « Félix Arnaudin. Le guetteur mélancolique ».
Per començar, cau presentar Félix Arnaudin. Simon Arnaudin dich Félix Arnaudin naissèt a La Bohèira dins Las Lanas en 1844 e i morèt en 1921. Es conoissut per lo sieu trabalh de collectatge de còntes, d’expressions, de cants e de costumas de Las Lanas de Gasconha. Fotografièt tanben lo sieu país dau temps d’ aquel trabalh de collectatge.
L’epòca d’aquel trabalh de Félix Arnaudin èra l’epòca de grands cambiaments dins Las Lanas : es la lei dau 19 de junh de 1857 sus la valorizacion de las Lanas de Gasconha qu’incitava a la plantacion de pins e que menèt a la transformacion dau sistèma agropastorau de las Lanas de Gasconha a la seuva que conoissèm aüra.
Félix Arnaudin vivia dau revengut dei bòrdas de sa familha. Era nostalgic dau sieu país que cambiava tant lèu, e parcorrava la sieu Lana Gran munit d’un aparelh fotografic e de sa bicicleta, en quèsta d’aquela civilizacion en via de disparicion. Cau saupre finda que lo trabalh de collectatge de Félix Arnaudin èra pas capit per lu sieu contemporanèus que l’apelavan « lo pèc » (lo fòl en gascon) de La Bohèira. Ancuei, lo sieu trabalh es un testimoniatge màger de Las Lanas dau sègle XIX.
L’exposicion que veguèri au musèu d’Aquitània de Bordèu èra consacrada ai fotòs pilhadi da Félix Arnaudin entre 1874 e 1921. Primièra bòna surpresa : lu comentaris de l’exposicion son en francés, embé sota un resumit en inglés e un en… occitan gascon. Li fotòs presentadi dins aquela exposicion mòstran lo país de Félix Arnaudin, lu paisatges, mas tanben li gents dau país, sota forme de retrachs (solets ò en familha) ò dins l’encastre dau trabalh (mesa en scena per li fotòs, que calia mai de temps qu’ancuei per pilhar una fotò) de la bòrda.
Aqueli fotòs son una meravilha, a l’encòp per lo testimoniatge d’aquela epòca, e per la tecnica utilizada, fòrça ben mestrejada da Félix Arnaudin. Siáu sortida d’aquela exposicion estrambordada per tot çò qu’ai vist, lu païsatges (e la lutz dei fotòs), li gents fotografiadi dins lor mai bèus vestits, ò sus lei chancas (lo mot gascon per lei escassas) denant de la bòrda, embé lei fedas ò lei vacas, etc.
E es una plueia de novembre (que tombèt au mitan dau mes d’aost) que mi permetèt de pas mancar aquela exposicion geniala. Per lo dire en gascon : qu’èra beròi aquera exposicion !
Alexandra DESMOULIN
Presentacion de l’exposicion sus lo site dau musèu : http://www.musee-aquitaine-bordeaux.fr/fr/evenement/exposition-felix-arnaudin-le-guetteur-melancolique
Un reportatge de France 3 Bordèu sus l’exposicion : https://youtu.be/yRanq2U8Smw
« Félix Arnaudin. Le guetteur mélancolique », visite d’une exposition au musée d’Aquitaine de Bordeaux
Quand je suis en Périgord, je prends souvent une journée pour aller à Bordeaux, vu qu’il faut seulement une heure pour faire le trajet en train. D’habitude, cette journée est plutôt une journée shopping. Mais cet été, avec la pluie (la seule semaine de pluie pendant un été de canicule), j’ai dû changer de programme. Comme je ne voulais pas annuler ma journée à Bordeaux, j’ai regardé ce qu’il y avait comme exposition temporaire dans les musées. Ainsi, avec un temps qui faisait ressembler ce jour d’août à un jour de novembre, je suis allée au musée d’Aquitaine pour l’exposition « Félix Arnaudin. Le guetteur mélancolique ».
Pour commencer, il faut présenter Félix Arnaudin. Simon Arnaudin dit Félix Arnaudin est né à Labouheyre dans Les Landes en 1844 et y est mort en 1921. Il est connu pour son travail de collectage de contes, d’expressions, de chants et plus généralement des coutumes des Landes de G
ascogne. Il a également photographié son pays pendant son travail de collectage.
L’époque du travail de Félix Arnaudin, c’était l’époque de la transformation des Landes : en effet, c’est la loi du 19 juin 1857 sur la valorisation des Landes de Gascogne qui a incité à la plantation des pins et qui a mené à la transformation du système agro-pastoral des Landes à la forêt qu’on connait de nos jours.
Félix Arnaudin vivait du revenu des métairies de sa famille. Il était nostalgique de son pays, qui était en train de changer à une grande vitesse. Il parcourrait sa grande lande (une des régions des Landes) muni d’un appareil photo et de sa bicyclette, en quête de cette civilisation en voie de disparition. Il faut savoir également que le travail de collectage de Félix Arnaudin n’était pas compris par ses contemporains qui le surnommaient « lo pèc » (le fou en gascon) de Labouheyre. Aujourd’hui, son travail est un témoignage majeur des Landes du XIXième siècle.
L’exposition que j’ai vue au musée d’Aquitaine de Bordeaux était consacrée aux photos prises par Félix Arnaudin entre 1874 et 1921. Première bonne surprise : les commentaires de l’exposition sont en francais, avec un résumé en anglais et un en… occitan gascon. Les photos présentées dans cette exposition montrent le pays de Félix Arnaudin, ses paysages, mais aussi les gens du pays, sous forme de portraits (seuls ou en famille) ou dans le cadre de leur travail (mis en scène pour les photos, vu qu’il fallait plus de temps d’aujourd’hui pour prendre une photo) de la ferme.
Ces photos sont extraordinaires, à la fois pour le témoignage qu’elles représentent que pour la technique utilisée, parfaitement maîtrisée par Félix Arnaudin. Je suis sortie de cette exposition enthousiaste par tout ce que j’y ai vu, les paysages (et la lumière des photos), les gens photographiés dans leurs plus beaux habits, ou sur les échasses à côté de leur ferme, avec les moutons ou les vaches, etc.
Et c’est une pluie de novembre (au beau milieu du mois d’août) qui m’a permis de ne pas rater cette exposition géniale. Pour le dire en gascon : qu’èra beròi aquera exposicion !
Présentation de l’exposition sur le site du musée : http://www.musee-aquitaine-bordeaux.fr/fr/evenement/exposition-felix-arnaudin-le-guetteur-melancolique
Un reportage de France 3 Bordeaux sur l’exposition : https://youtu.be/yRanq2U8Smw
