Amics occitans, la cronica Ribon-Ribanha d’ancuei, titrada ” Esperfums 2″, v’es prepauada da Rogier GILLI, soci de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
Esperfum 2
En classa de quinta en lo collègi dau Pòrt, que si trovava a l’época cai Papacino, bastiment au sobran de la pòsta ai jorns d’ancuei, lo ‘près-dinnar de doi a quatre oras aviavam, lo divendres, un cors de francés. Lo professor li agradava de durbir li fenèstras per drevelhar lu escolans, sobretot qu’après l’aiòli dau miegjorn avian mai envuèia de si penecar que de travalhar. Èravam en un temps que la merlussa èra bòn pacti e que remplaçava lo peis fresc, tròup car per nautres, e ben pus bòna que li bugas pleni d’espinas e li sarpas au gust d’iòdi. Li sardinas e li amploas, eli, èran ben luenh dei ribas, d’invern, e nen trovaviam ren sus lu bancs de Sant Francés.
Lo drama èra que au plan terren dau bastiment vesin l’i èran lu establiments Flòrian, la chicolateria.
E vequí que, tot en un còup, montava avant la fin dau cors, un odor de chicolata cauda, que envaissia la sala de classa, nen tarabustava lu estómegues e tormentava li nòstri pauri cervelas anequelidi dai doi oras de cors. Lo magistre soguinhava, si vendicava de la nòstra apatia dau principi en diguent, sensa remordiment m’una votz aigra : « bòn gustaron » ! Aquest’òme espés com’un estocafic, revirat dins la siau blòda gria, non li agradava faire bòna vida, de segur !
Un a bastit un imuble en plaça de la fabrica. La Maion Flòrian es sempre aquí dins lu barris nòus, bèla, moderna, mai que conoissuda dai visitadors, forestiers ò d’aquí, per li sieu fruchas confichadi. Mas lu escolans vesins an pus lo plaser de surbir l’esperfum capitós e divin de la chicolata cauda que relegava lo 5 de Chanel au rang d’aiga de Colònha bòn pacti de Niceco.
Quora mi passegi en lo quartier, en calant l’escalinada Suche que mena de la carriera Emanuel Felibert au pòrt, un soguinhet ai labras, ieu, lo senti encara aquesto esperfum, ieu ! Un denembra mai que soventi fes li barceladas e lu ponchas-pen au cuòu mas lu odors e lu gusts de l’enfança restan gravats en lo ment d’una maniera indelebila la vida tota.
Rogier GILLI octòbre dau 2017
Parfums 2
En classe de cinquième au collège du Port, qui se situait au-dessus de l’actuel bureau de poste du même nom, le vendredi après-midi de 14 à 16 heures nous avions cours de français. Le professeur prenait un malin plaisir à ouvrir les fenêtres pour éveiller l’attention des élèves, surtout qu’après l’aïoli du midi ceux-ci étaient plus enclin à faire une sieste plus tôt qu’à se mettre au travail. C’était le temps de la morue bon marché qui remplaçait le poisson frais, bien trop onéreux pour nos bourses, et meilleur que les bogues farcies d’arêtes et les saupes au gout d’iode. Quant aux sardines et anchois l’hiver ils passaient au large et désertaient les bancs des poissonniers de la place Saint François.
Le drame pour nous était qu’au rez de chaussée du bâtiment voisin se trouvaient les établissements Florian, la chocolaterie !
Et voilà, que tout d’un coup juste avant la fin du cours, une odeur suave de chocolat chaud envahissait la salle de classe tourneboulant nos estomacs et tourmentant nos pauvres cerveaux épuisés par deux heures d’études. Le professeur souriait et se vengeait de notre apathie du début en lançant d’une voix sèche : « Bon goûter » ! Cet homme maigre comme un clou enveloppé dans sa sempiternelle blouse grise ne devait guère apprécier la bonne chère, sûrement !
On a démoli le vieux bâtiment qui abritait l’usine pour construire un immeuble, mais la maison Florian est toujours là, dans les nouveaux murs. Belle et modernisée, elle est réputée pour ses fruits confits. Mais les écoliers n’ont plus le plaisir de humer le parfum capiteux et divin du chocolat chaud qui reléguait le n°5 de Chanel au rang d’eau de Cologne bon marché de Nicéco !
Quand je me promène dans le quartier et que j’emprunte l’escalier Suche, qui mène de la rue Emmanuel Philibert au port, un petit sourire au coin des lèvres, je le sens encore, moi, ce parfum !
Avec le temps on oublie souvent les raclées et les coups de pied au cul, mais jamais les odeurs. Celles-ci et les goûts de l’enfance restent gravés d’une manière indélébile dans notre mémoire la vie entière.