ste_lucie.jpg

Amics occitans, la cronica Ribon-Ribanha d’ancuei, titrada « La Santa Lucia.. », v’es prepauada da Clara MARIA, socia de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…


La Santa Lucia

L’autre dimars qu’èra lo dotze de decembre dau 2017, denant de començar a’’trabalhar’’, charavam embé Choasa e Ricard a prepaus de la Santa Lucia que seria l’endeman. De segur si siam remembrats lo proverbi que ditz : « A la santa lucia, lu jorns creisson d’un saut de niera ». Lo Rogier que ne’n saup totplen sus li cauvas de la natura nen diguèt : « En realitat lu jorns descreisson fins au sòlstici d’invern qu’es generalament lo 21 de decembre. »
Alora cu crèire ? Seria possible que un tant vièlh proverbi siguèsse erròneo ò que lo nòstre tant reverit magistre s’enganèsse sus aquel emportant subject ? Rasseguratz-vos !
Es ben lo jorn dau solstici d’invern qu’avèm lo jorn lo mai cort de l’annada e la nuech la mai lònga. Mas tanben es ben lo 13 de decembre que lo soleu comença a si corcar pus tardi alora que contunha totjorn a si levar pus tardi de matin fins la fin de l’annada e que fin finala trovèm lo 21 coma lo jorn pus cort.
Perqué si debana ensin ? Es una istòria complicada de planeta que vira autorn de la sieu estela faguent un céucle qu’es pas vertadierament perfèct. Ne’n dirai pas de mai, aquò seria un cors d’astronomia.
Cen que precede es ver, reconoissut mas parèisse que l’i seria una tota autra maniera d’espligar lo proverbi : Simplament un cambiament de calendari qu’a fach que lo solstici d’invern qu’èra doi jorns denant la Santa Lucia es aüra vuèch jorns pus tardi.
En l’an 1582, lo Papa Gregòri XIII impausèt lo calendari gregòrian en plaça dau julian (de Juli Cesar*) que permetia pus de carcular la data de Pascas. Levèt dètz jorns au mes d’octòbre, passant directament dau 4 au 15. Vòu dire que lo proverbi si diía ja en aquelu temps.
Vi laissi chausir cen qu v’agrada lo mai.
*Es l’imperator Juli Cesar qu’avia instaurat aquesto calendari dont tres annadas de 365 jorns èran seguidi d’una de 366 dont lo siesen jorn denant la fin de febrier èra doublat. Es aquò qu’a donat lo mòt bissextila. Mas aquela durada mejana de 365 jorns e un quart èra un chícol tròup lònga menant a un desplaçament d’esquasi vuèch jorns cada milenari.

Clara MARIA, decembre dau 2017

ste_lucie.jpg

La Sainte Luce
Mardi dernier, 12 décembre, avant de commencer à « travailler » nous bavardions avec Françoise et Richard à propos de la Sainte Luce qui serait le lendemain.
Bien sûr nous nous sommes remémoré le proverbe qui dit : – « A la Sainte Luce, les jours croissent d’un saut de puce. » Roger qui en connait un « max » sur les choses de la nature nous dit : « En réalité les jours décroissent jusqu’au solstice d’hiver qui est généralement le 21 décembre. » Alors qui croire ? Serait-il possible qu’un dicton si ancien soit erroné ou que notre maître tant révéré se trompe sur cet important sujet ?
Rassurez-vous. C’est bien le jour du solstice d’hiver que nous avons le jour le plus court de l’année et la nuit la plus longue. Mais également c’est bien le 13 décembre que le soleil commence à se coucher plus tard alors qu’il continue à se lever plus tard le matin jusqu’à la fin de l’année et finalement on retrouve le 21 comme jour le plus court. Pourquoi cela se passe-t-il ainsi ? C’est une histoire compliquée de planète qui tourne autour de son étoile en décrivant un cercle qui n’est pas parfait. Je n’en dirai pas plus, ceci n’est pas un cours d’astronomie.
Ce qui précède est vrai, reconnu, mais il semble qu’il y ait une toute autre façon d’expliquer le proverbe : simplement un changement de calendrier qui a fait que le solstice d’hiver qui était deux jours avant la Sainte Luce est maintenant huit jours plus tard.
En l’an 1582 le Pape Grégoire XIII imposa le calendrier grégorien à la place du julien (de Jules César*) qui ne permettait plus de calculer la date de Pâques. Il enleva dix jours au mois d’octobre passant directement du 4 au 15. Ce qui veux dire que le proverbe existait déjà en ce temps-là. Je vous laisse choisir ce qui vous plait le plus.
-*C’est l’empereur Jules César qui avait instauré ce calendrier dans lequel trois années de 365 jours étaient suivies d’une de 366 jours où le sixième jour avant la fin de février était doublé. C’est cela qui a donné le mot « bissextile ». Mais cette durée moyenne de 365 jours un quart était un tout-petit peu trop longue, entrainant un décalage de presque huit jours par millénaire.

Laisser un commentaire

Votre adresse e-mail ne sera pas publiée. Les champs obligatoires sont indiqués avec *