Amics occitans, la cronica Ribon-Ribanha d’ancuei titrada “Benvenguda a Peitieus” v’es prepauada da Anna-Maria MILARDI sòcia de l’IEO-06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
“La garderem ribon-ribanha, nòsta rebèla lenga d’Òc !”
Benvenguda a Peitieus
Ciel bas, triste, nevós… Rutats dau frei sesissent, lu quists viatjators pales e silenciós s’abrivan au sortir de la gara en direccion dei maions grisi, emergent en amont da un païsatge fantaumesc. Senti bruscament lo magon catigolar lo mieu piech mentre li làgrimas mi puan ai uelhs. Pura es una setmana que mi prepari a l’idea : passeràs Palhon e pi Var e de molons de flumes que non van nominats, ti parleràn ponchut, non denembrar li malhas per costejar lo pòlo e patin-cofin… Mas cau si rassegnar, mi vequí a Peitieus.
L’endeman, sempre pèjor, la plueia per companha. En fremissent, m’aventuri a reculon per lu carreiròus semi-deserts e, prudentement, arisqui un uelh delà dau paraplueia : l’espectacle mi laissa sensa votz. Visti de pròche, li façadas dei maions grisi desplegan fierament li sieu voladas d’afrescs, frisas, ogivas, de gargolhas, torres, cloquiers, lu stiles architecturaus de tot temps si confondent en un fuec d’artifici d’una armonia perfècta. E just au centre, tròna una catedrala da far crepar d’envueia un gibós de Nòstra-Dama. La mieu ànima d’aprendiva-arqueològa s’escaufa, senti pas pus lo frei, mi tròvi a Peitieus !
E per lo darnier jorn, au desprès de la meteò, una vísita au Futuroscòpe s’empòne. Sus d’ecrans mega-gigants, desfilan sensa trega d’animaus fabulós, d’explorators temeraris e una succession de panoramas da vos talhar lo buf. Pertant, la nòva atraccion, “Les animaux du futur”, odora de chapa-colhon : mai d’una ora d’aspera per poder calinhar una tiera de bestias qu’existeràn jamai. Cada film es ponctuat de messatges ecologists per la sauvagarda de l’environament. Ne’n sòrti ralegrada e reconciliada embé la natura tota jusca la raissa de Peitieus.
Aquí finisse lo sejorn, retròvi lo tren de retorn. E devi confessar, entraveire au luenh li còstas de Provença mi fa petar lo còr e denembri lo nòrd : “Fin finala a maion, adieu Peitieus ! ».
Anna-Maria MILARDI (2008)
Bienvenue à Poitiers
Ciel bas, triste, neigeux… Bousculés par le froid saisissant, les rares voyageurs pâles et silencieux s’empressent au sortir de la gare en direction des maisons grises, émergeant tout là-haut d’un paysage fantomatique. Brusquement je sens la nostalgie me chatouiller la poitrine tandis que les larmes me montent aux yeux. Pourtant voici une semaine que je me prépare à l’idée : tu vas passer le Paillon et ensuite le Var et des tas d’autres fleuves qui ne portent pas même de nom, on te parlera pointu, n’oublie pas tes pulls pour côtoyer le pôle et ainsi de suite… Mais il faut me résigner, me voici à Poitiers.
Le lendemain, pire encore, la pluie pour compagnie. En frémissant, je m’aventure à reculons dans les ruelles semi-désertes et, prudemment, je risque un œil par-delà mon parapluie : le spectacle me laisse sans voix. Vues de près, les façades des maisons grises déploient fièrement leurs envolées de fresques, frises, ogives, de gargouilles, tours, clochers, les styles architecturaux de toute époque se confondant en un feu d’artifice d’une harmonie parfaite. Et au beau milieu, trône une cathédrale à faire pâlir d’envie un bossu de Notre-Dame. Mon âme d’apprentie-archéologue s’échauffe, je ne ressens plus le froid, je me trouve à Poitiers !
Et pour le dernier jour, au mépris de la météo, une visite au Futuroscope s’impose. Sur des écrans méga-géants, défilent sans trêve de fabuleux animaux, des explorateurs téméraires et une succession de panoramas à vous couper le souffle. Pourtant, la nouvelle attraction, « Les animaux du futur », fleure l’attrape-couillon : plus d’une heure d’attente afin de pouvoir caresser quantité d’animaux qui n’existeront jamais. Chaque film est ponctué de messages écologistes pour la sauvegarde de l’environnement. J’en ressors réjouie et réconciliée avec la nature toute entière jusqu’aux giboulées de Poitiers.
Ainsi se termine le séjour, je retrouve le train du retour. Et je dois le confesser, apercevoir au loin les côtes de Provence me fait bondir le cœur et j’en oublie le nord. « Enfin à la maison, adieu Poitiers ! »