Amics occitans, la cronica Ribon-Ribanha d’ancuei, titrada “Lo caulet fèr ò caulet dei bauç.”, v’es prepauada da Joan-Pèire BAQUIÉ, president onorari de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
“La garderem ribon-ribanha, nòsta rebèla lenga d’Òc !
Lo caulet fèr ò caulet dei bauç.
Lo caulet fèr ò caulet dei bauç dau sieu nom latin brassica oleracea es se si pòu dire l’antenat de toi lu caulets cultivats.
La sieu cultura, en tant que lieume remonta a l’auta antiquitat partent dei fòrmas fèri originari de l’Euròpa dau Ponent ò de l’Euròpa dau Sud. Si saup qu’èra ja cultivat en lo Neolitic cen que n’en fa un dei mai vièlhs lieumes cultivat en lo monde.
Au jorn d’ancuei s’atròva basta sus d’uni dunas, de bandas de còdols e de bauç costiers. Quora mi vau passejar au fòrt de la Revere fins a la cima de la Fòrna n’atròvi sempre quauqu’uns sus lo camin, a la sortida dei galerias au pen dei bauç. Lu aluchi d’annada en annada mas son sempre autant quists. Anessiatz vos espacejar en aquest luec vos demandi de lu pas tocar qu’es una populacion totplen localisada e amenaçada. Lu scientifics si demandan coma van resitre au rescaufament climatic. Lo caulet fèr es classat en la categoria « preocupacion minora » per l’Union Internacionala per la Conservacion de la Natura (UICN).
Aquesta setmana, anèri doi còps en plaça Massena, istòria de caminar e faire lu mieus 10 000 pas quotidians. E aquí, un caulet fèr, m’asperava au pen d’un pilastre dei « Galerias Lafayette ». Un ver caulet dei bauç, se consideram que creisse tra lo calcari dei pèiras e li lauas dau sòl. Mi sembla d’aver vist una flor jauna sus la planta. Cadun l’i metèsse un pauc dau sieu, porriam aver una recòrta dei premieri granetas de caulet fèr d’aquí gaire. E perqué pas multiplicar lu luecs dont lo porriam trovar a Niça.
Bessai que mi cresètz pas, alora vos faguèri una fòto, sensa lu doi miegs megòts que l’i èran au pen, la planta lo s’ameritava ben.
Joan-Pèire BAQUIÉ lo 22 d’abrieu dau 2024
Le chou sauvage ou chou des falaises.
Le chou sauvage ou chou des falaises, de son nom latin brassica oleracea est si on peut dire, l’ancêtre de tous les choux cultivés.
Sa culture, en tant que légume remonte à la haute antiquité en partant des formes sauvages originaires de l’Europe de l’Ouest ou de l’Europe du Sud. On sait qu’il était déjà cultivé pendant le Néolithique ce qui en fait un des plus vieux légumes cultivés dans le monde.
Aujourd’hui on le trouve seulement sur certaines dunes, des bandes de galets et de falaises côtières. Lorsque je vais me promener au fort de la Revère jusqu’à la cime de la Forna j’en trouve toujours quelques-uns sur le chemin à la sortie des tunnels au pied des falaises. Je les observe d’année en année mais ils sont toujours aussi rares. Si vous allez vous promener dans ce lieu, je vous demande de ne pas les toucher car c’est une plante très localisée et menacée. Les scientifiques se demandent comment ces choux vont résister au réchauffement climatique. Le chou sauvage est classé dans la catégorie « préoccupation mineure » par l’Union Internationale pour la Conservation de la Nature (UICN).
Cette semaine, je suis allé deux fois place Masséna, histoire de marcher et d’effectuer mes 10 000 pas quotidiens. Et là, un chou sauvage, m’attendait au pied d’un pilier des « Galeries Lafayette ». Un vrai chou des falaises, si nous considérons qu’il pousse entre le calcaire des pierres et les ardoises du sol. Je crois même avoir vu une fleur jaune sur la plante. Si chacun y mettait un peu du sien, on pourrait avoir une récolte des premières graines de chou sauvage d’ici peu. Et pourquoi pas multiplier les lieux où on pourrait le trouver à Nice.
Peut-être vous croyez que je raconte des blagues, alors je vous ai fait une photo, sans les deux mégots qui se trouvaient à son pied, la plante le mérite bien.
