Amics occitans, la cronica Ribon-Ribanha d’ancuei, titrada «Au mai fons deis isoïpsas» vos es presentada da Joan-Glaudi PUECH, sòci de l’IEO 06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bendas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Au mai fons deis isoïpsas.
Per anar a l’aubre tombat lo mai simple èra de passar davant la cabana de Regina e Lecca. La teniá en amira dempuei sa partènça dau bivac puei la perdèt de vista dins l’embuc d’una combèla e a la fin de la remontada foguèt la paret abausonada dau jaç vièlh que veguèt premier, la cabana èra darrier, acotada ai roïnas. L’i èra Regina, tancada, drecha coma una reina, sus sa terrassa de fustas. Probable que leis aviá tenguts d’a mend tot lo temps de la davalada per saupre se passarián pas au sieu. Marçau se revirèt sus la sèla e mandèt un còp d’uelh amondaut, lo jaç dei lausas se destriava fòrça ben d’aicí. Jòus s’arrestèt d’espereu e clinèt l’encolura demorant ansin dins l’espèra. Marçau enfacièt la dòna, saludèt, dos dets reglamentaris tocant lo tempe, mai teniá ges de cuerbacap. Istèron muts totei dos, cadun s’acarant au regard de l’autre, a Marçau lei mots li venguèron pas, leis uelhs de Regina rebutavan tota paraula, duresa e violénça contenguda i fasián son nis. Una mena de dolor fin ara desconeiguda li sarrèt lo pitre, veniá de retrobar dins l’agachada de la joina femna l’esmoguda que l’aviá agut fodrejat tal un ulhauç lo jorn que rescontrèt Chazinta ; una bèstia fèrra aquesta, aculada, que jamai cridariá seba, que se donariá fin puslèu que de se sometre. Aviá tuat per ela, li permetent ansin de servar sa libertat. Mai per Chazinta, dins leis aparéncias, benlèu que lei causas èran estadas mai simplas fin finala que quand fasiá petar l’armari, ela, podiá passar per una princessa moresca ò quand marcava mau per una bomiana escarrabilhada, resquilhant ansin dau caire d’un exotisme que sempre l’aparava, que donava d’escampas. Pasmens per Regina podiá pas èstre parier, èra tant saura, a la rigor auriá poscut donar d’èr a una russa per exemple, ò a una polonesa, forestiera de tot biais, mai lei trachs de sa cara rebatián una beutat tota francesa, ren que foguèsse miegjornau au sieu, la mòda èra ai “mieg-mondanas” parisencas e segur que dins un monde d’òmes ne’n deviá patir.
Jòus piquèt de la bata, dos còps, aucèt lo morre e endilhèt suau, un gençar despacientat puslèu, tiblèt puei leis aurelhas devèrs l’avau e boleguèt lo coa, un riset s’escapèt alora dei bocas de Regina, Marçau n’aprofichèt per saludar mai de sei dos dets reglamentaris tot laissant lo chivau l’entraïnar sus lo draiòu.
“Tu ! Me seques ! Granmercé mon bèu ! Que podiáu dire ?”
“S’aprefondir au mai fons deis isoïpsas …Se consolar de la vida dins lei braç d’Isoïpsa …” La paraula dau Danís dei pantais ressonava dins sa tèsta. L’un, l’òme-aubrilhon, èra enrabiat, enferonit, l’autre, lo nèrvi, espavordit que fugissiá a camba-ajuda-me. E Marçau sarra leis uelhs, vira, vira, e vira que viraràs coma una baudufa, es perdut, an pas espeçat l’aubre encara, de brancas lo remandan, lo butassan, es engolit per la linha de penda, trauca a travèrs dau fornit, duèrbe leis uelhs, la penda l’aspira mai, es per arribar au camin grand, es per butar còntra la riba. Lo sabiá pron pasmens qu’èra en bàs lo camin, mai non, cabussa dins un resquilhador de tèrra trissa entre lei pilas bèlas d’un pònt antic. “lei monges d’un còp èra !” se venguèt. Acabèt sa corsa còntra un ribàs de brugas, lo valat estrech virava a man drecha sobde.
Chauchèt dins un forfolh de campanèlas passidas, de fuelhas e de brondilhas craïnantas puei s’enfoncèt fins ai genolhs dins una fanga seca de brigas vegetalas mescladas a de tèrra granilhosa. La chavana èra passada aquí tanben. S’embronquèt a çò que cresiá èstre una branca aclapada, tirèt per se desempachar e entreveguèt un pè descarnat, de tendons que religavan quauqueis òsses d’arteus, l’orladura d’unei braias de pretz. S’espalanquèt, lo valat estrech s’acabava en trencada, se trobava au mai sarrat deis isoïpsas ; una nassa naturala tapada dins son fons per una mata d’eurre. Se reprenguèt en arrapant una gitèla verda que tenguèt pas, manquèt de s’estramaçar mai, èra de drech pasmens, lei pès ben tancats sus un sòu fèrme.
Veguèt premier lo capèu dei bòrds largs e soples, lo vouguèt rabalhar mai èra envertolhat entre de lianas d’eurre, d’unei, dei fulhetas passidas e ja embrunidas, fasiá de temps qu’èran estadas plaçadas sus lo feutre negre mentre que d’autrei, drudas, d’un bèu verd lusent, mandavan sei raiç minusculs s’encrocar dessota sus l’òsse d’un crani e a l’entorn de quauquei flòcs clars de peus telhós. La boca, maissa dubèrta sus un crit de rabiá, servava encara lei dents. La planta agolopava lo cadabre, lei pelhas estraçadas de çò que foguèt la camisa se torcejavan ronhósas e enreddidas entre lei costèlas mentre que de gitèlas furnavan dedins per i posar una vida nòva.
L’estuc de la carabina èra conhat sota lo maluc, Marçau lo posquèt pas desgatjar que la correja de cuer èra en bricòla a l’entorn dau còrs. Au bot, lei corduras s’èran rompudas, èra pas vuege, tirèt vèrs eu una tela rotlada, un bòrd li restèt entre lei dets, i anèt d’aise, a flor e mesura se desvelava una cabeladura negra, encara mai negra qu’aquela de Chazinta que pasmens li disián “d’alas de corbàs”, puei una cara prima, coirada puslèu que morena, de uelhs d’ametlons e de gautetas autas, leis alas dau nas que s’escursavan un brigon coma se cochavan una odor. Quicòm dins lo regard èra pas acabat, passèt un det sus lei cilhas lòngas, d’instint, coma per netejar l’agachada, l’uelh s’escafèt en laissant sus lo guinhaire una matéria pastosa puei sota lo gèst estonat de Marçau lo retrach tot entier se faguèt bola infòrma dins lo clòt de la man. Amochonèt encara mai la tela desenant vueja e la laissèt retombar sus lo cadabre au mitan de la mata d’eurre. Un bramar languissent lo faguèt se revirar e levar la tèsta, Jòus lo cridava amont, s’èra ben engenhat aquest per ragantar lo camin mai ausava pas traucar dins lo bartàs.
La remonta foguèt pas aisada, li semblava que la penda se fasiá de mai en mai escabrosa. S’arrestèt per alenar, se revirèt en defugissent deis uelhs l’ombra onte adès s’èra laissat aprefondir e agachèt dins lo luenchenc, ailavau, per un clar en delà lei brondas lo monde deis òmes. Escrachadas per lo cèu-sin lusián lei teulissas d’una vilòta.
Una calorassa montava, remandada e amplificada per lei flairors de bruga, lo lassitge l’ablasigava, una poussa de vegetacion li fasiá coma un nívol d’espinetas invisiblas que ponhavan leis uelhs, passavan sota la camisa, de mosquilhons li frustejavan lo nas, la pintura que se n’èra mascarat sensa se n’avisar aviá una odor de descomposicion. L’esquina li doliá. Arribèt au camin e s’assetèt sus la riba mai trobèt pas lo repaus nimai la patz que la susor e lo vrombiment de contúnia dau monde dei babaus, oblidats en escalant, l’assautèron quand e quand.
“ Ò ! Mon bèu ! L’auràs pron ameritada ta prada enflorida !”
E venguèt a Jòus de mainatjar Marçau.
Joan-Glaudi PUECH
Au plus profond des isohypses
Pour aller à l’arbre coupé le plus simple était de passer devant la cabane de Régine et Lecca. Il la tenait en point de mire depuis son départ du bivouac puis la perdit de vue dans l’entonnoir d’une petite combe et à la fin de la remontée ce fut le mur écroulé de la vieille bergerie qu’il vit en premier, la cabane était derrière, appuyée aux ruines. Régine y était, figée, droite comme une reine, sur sa terrasse de bois. Probable qu’elle les avait surveillés tout le temps de leur descente pour savoir s’ils ne passeraient pas chez elle. Martial se retourna sur sa selle et jeta un coup d’œil en amont, le jas des lauzes se distinguait très bien d’ici. Jup s’arrêta de lui-même et baissa l’encolure demeurant ainsi dans l’attente. Martial fit face à la femme, salua, deux doigts réglementaires touchant la tempe, mais il n’avait pas de couvre-chef. Ils restèrent silencieux tous les deux, chacun se confrontant au regard de l’autre, les mots ne vinrent pas à Martial, les yeux de Régine rejetaient toute parole, dureté et violence contenue y faisaient leur nid. Une sorte de douleur jusqu’à lors inconnue lui serra la poitrine, il venait de retrouver dans ce regard l’émoi qui l’avait foudroyé le jour où il avait rencontré Chazinta ; une bête sauvage celle-ci, aculée, qui jamais ne cèderait, qui se donnerait fin plutôt que de se soumettre. Il avait tué pour elle lui permettant ainsi de garder sa liberté. Mais pour Chazinta, dans les apparences, peut-être que les choses avaient été plus facile car elle pouvait passer pour une princesse maure quand elle était sur son trente-et-un ou pour une gitane enjouée quand elle présentait mal, glissant ainsi du côté d’un exotisme qui la protégeait toujours, qui donnait des excuses. Cependant pour Régine cela ne pouvait être pareil, elle était si blonde, à la rigueur elle aurait pu ressembler à une russe par exemple, ou une polonaise, étrangère de toute façon, mais les traits de son visage reflétaient une beauté toute française, rien de méditerranéen en elle, la mode était aux « demi-mondaines » parisiennes et dans un monde d’hommes il est sûr qu’elle devait en souffrir.
Jup frappa du sabot, deux coups, leva le museau et hennit doucement, un gémissement impatient plutôt, puis il tendit les oreilles vers l’aval et remua la queue, un petit sourire s’échappa alors des lèvres de Régine, Martial en profita pour saluer de nouveau de ses deux doigts règlementaires tout en laissant le cheval l’entrainer sur le sentier.
« Toi ! Tu me sèches ! Grand-merci mon beau ! Qu’est-ce-que je pouvais dire ? »
« S’enfoncer au plus profond des isohypses … Se consoler de la vie dans les bras d’Isohypse … » La parole du Danis des rêves résonnait dans sa tête. L’un, l’homme-arbuste, était enragé, en fureur, l’autre, le voyou, épouvanté qui fuyait éperdument. Et Martial ferme les yeux, tourne, tourne, et tourne que tu tourneras comme une toupie, il est perdu, ils n’ont pas débité l’arbre encore, des branches le renvoient, le poussent, il est avalé par la ligne de pente, il troue à travers les buissons, il ouvre les yeux, la pente l’aspire encore plus, il va arriver au grand chemin, butter contre le talus. Il le savait bien pourtant que le chemin était en bas, mais non, il plonge dans un toboggan de terre meuble entre les belles piles d’un pont antique. « Les moines d’antan ! » pensa-t-il. Il acheva sa course contre un talus de grande bruyère, le fossé étroit tournait brusquement à droite. Il pataugea dans un fouillis de campanules fanées, de feuilles et de brindilles craquantes puis s’enfonça jusqu’aux genoux dans une boue sèche de débris végétaux mélangés à la terre granuleuse. L’orage aussi était passé par là. Il trébucha sur ce qu’il croyait être une branche enfouie et entrevit un pied décharné, des tendons qui reliaient quelques os d’orteils, l’ourlet d’un pantalon de prix. Il s’étala, le fossé étroit s’achevait en tranchée, il se trouvait au plus serré des isohypses ; une nasse naturelle bouchée dans son fond par une touffe de lierre. Il se reprit en attrapant une tige verte qui ne tint pas, il manqua de tomber encore, il était debout pourtant, les pieds bien posés sur un sol ferme.
Il vit d’abord le chapeau aux bords larges et souples, il voulut le ramasser mais il était entortillé dans les lianes du lierre, certaines, aux petites feuilles fanées et déjà brunies, cela faisait déjà longtemps qu’elles avaient été placées sur le feutre noir tandis que d’autres, luxuriantes, d’un beau vert luisant, envoyaient leurs racines minuscules s’accrocher dessous sur l’os d’un crâne et autour de quelques mèches claires de cheveux filandreux. La bouche, mâchoires ouvertes sur un cri de rage, conservait encore ses dents. La plante recouvrait le cadavre, les guenilles déchirées de ce qui fut la chemise se tordaient galeuses et enraidies entre les côtes tandis que de jeunes pousses fouillaient dedans pour y puiser une vie nouvelle.
L’étui de la carabine était coincé sous l’os des hanches, Martial ne put le dégager car la courroie de cuir était en bandoulière autour du corps. Au bout, les coutures avaient cédé, l’étui n’était pas vide, il tira vers lui une toile roulée, un bord lui resta entre les doigts, il y alla doucement, peu à peu se dévoilait une chevelure noire, encore plus noire que celle de Chazinta que pourtant on disait « d’ailes de corbeau », puis une figure mince, cuivrée plutôt que mâte, des yeux en amande et de petites joues hautes, les ailes du nez qui se retroussaient légèrement comme si elles suivaient une odeur. Quelque chose dans les yeux n’était pas achevé, il passa un doigt sur les cils longs, d’instinct, comme pour nettoyer le regard, l’œil s’effaça en laissant sur l’index une matière pâteuse puis sous le geste étonné de Martial le portrait tout entier se fit boule informe dans le creux de sa main. Il pelotonna encore plus la toile désormais vide et la laissa retomber sur le cadavre au milieu de la touffe de lierre. Une sorte de meuglement languissant lui fit tourner la tête, Jup l’appelait là-haut, il s’était bien débrouillé pour retrouver le grand chemin mais n’osait pas entrer dans les broussailles.
La remontée ne fut pas facile, il lui semblait que la pente devenait de plus en plus escarpée. Il s’arrêta pour souffler, se retourna en fuyant des yeux l’ombre où quelques instants plus tôt il s’était laissé engloutir et regarda dans le lointain, là-bas, par un clair au-delà des frondaisons, le monde des hommes. Ecrasées par le ciel sans nuages luisaient les toitures d’une petite ville. La chaleur montait, renvoyée et amplifiée par les senteurs de bruyère, la fatigue l’accablait, une poussière de végétation lui faisait comme un nuage de petites épines invisibles qui piquaient les yeux, qui passaient sous la chemise, des moucherons lui frôlaient le nez, la peinture dont il s’était barbouillé sans s’en apercevoir avait une odeur de décomposition. Le dos lui faisait mal. Il arriva au chemin et s’assit sur le talus mais ne trouva pas le repos ni même la paix car la sueur et le vrombissement continuel du monde des insectes, oubliés en escaladant, l’assaillirent aussitôt.
« Oh ! Mon beau ! Tu l’auras bien méritée ta prairie fleurie ! »
Et ce fut au tour de Jup de ménager Martial.