Amics occitans, la cronica Ribon-Ribanha d’ancuei, titrada « Es ansin que leis òmes …» vos es presentada da Joan-Glaudi PUECH, sòci de l’IEO 06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bendas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Es ansin que leis òmes …
E coma un camèu dau desèrt se metèt de ventre permetent ansin a son mèstre d’encambar aisat la sèla. Tèsta sota, espatlas lassas, esquinas plegadas, Marçau s’entredormiá d’a vegadas au balandrejar de son “cadieràs ambulant”, coma aviá dich de Jòus lo jorn que l’aviá causit. Leis ombras rasas s’estiravan e quand levava la cara la lutz dau jorn l’esberlugava, tanlèu sarrava leis uelhs per laissar una espirala margalhada virolejar davant sei parpèlas, ò benlèu qu’èra mai aut, darrier l’òsse dau frònt.
Jòus s’èra engardat dau draiòu tròp escalabrós deis òmes, anava sus son camin de chivau que se desplegava, semblava, sota lei batas a flor e mesura que fasiá avans. S’arrestèt d’espereu en gauta de còla quand la cabana foguèt en vista. Una drolleta sisclava, ajocada sus leis espatlas d’un garçon dau peu lòng. “Es Danís ! bretonejèt Marçau, lo remetès pas ?” Jogavan a cavalin-cavalòt, Danís endilhava coma un chivau, fasiá dos sauts a pe-cauquet puei cambiava de camba. Pausèt la filheta que tanlèu se roncèt dins la penda, bombissenta, de braç en fòrma de corba de ribiera l’esperavan quauquei mètres abàs. Maire e filha de tot segur que lo soleu tremont coronava de pampalhetas d’aur.
Trantalha dins son envam l’enfantona, trabuca, s’embronca a de causas invisiblas, mai d’anar a la precipitada fai la cabuçada impossibla. Dau mens se o crèi, posquèsse creire a son edat, error d’aprendís, se pensa Marçau, que dura tota una vida. E ara la vèi que s’encórre vèrs l’infinit, lampant dins la davalada sensa s’estonar d’engolir, boca badanta, sègles e estèlas coma s’èran de mosquilhons, ofrís sa corsa a la còla e de l’ofrenda, en retorn, ne’n reçaup la pulsacion de vida que l’empacha de tombar. Davant ela grilhets e cavaletas bombisson en raiadas que s’arrestan jamai, e ritz l’enfantona segura qu’aqueleis èstres minusculs an coma ela lo desir d’ajónher l’absolut dins lei braç en corba de ribiera. Un jorn aurà tot oblidat pasmens, se dirà d’ela que s’es facha granda, ò benlèu que ne’n sobrarà quicòm, coma una parpalhòla de nèu dins lo clòt de la man, esbrilhaudanta d’èstre posada a la fònt dau còr. Tota la beutat de la vida es de gardar intacta aquela causa que ne’n sabèm pas lo nom, aquela causa que davant ela la quita mòrt fa en rèire. Un pensier que Marçau pòu pas exprimir. Un amor, mai pas sentimentau, una plenitud qu’emplís tot e qu’arresta lo temps.
“Comandant ?”
Marçau coneiss la plenitud, la dei batèstas, que recercava en mai d’aquò, mai aquesta es d’una autra auçada ; la dròlla que vòla davant seis uelhs en dessús de l’èrba es l’anticambra de l’infinit. E dins son èime la pòrta-fortalessa de la Grand Còla se duèrb enfin, aquel infinit es l’immanéncia sublima de l’instant, l’encantament de contúnia deis èstres e dei causas. Es ansin que leis òmes aurián agut d’èstre au Monde.
“Comandant ! Es tu ?”
L’encantament se romp e lo temps tornarmai reprenguèt sa corsa quand la filheta acabèt la sieuna dins lei braç de la maire. De braç que foguèron corba de ribiera e que subran èran plus que lei membres arrapaires d’una femna, àrpias femèlas esquichant còntra lo ventre son pichòt per l’aparar.
“Comandant ! De qu’as ? Siás nafrat ? Cinc jorns qu’as partit !”
Cinc ? Impossible, vouguèt dire Marçau, dos jorns, una nuech, pas mai. Danís prenguèt lei retnas e tirèt Jòus vèrs la cabana.
“ Anem au bunguegalòva !”
Sorriguèt Marçau. “ Bungalow, Daní.” que li faguèt dins un murmur. Èra un mot de Chazinta aquò. Jòus s’aplantèt davant la maire e la filha, obeissiá plus au jovent, Marçau s’apielèt dei doas mans sus lo pomèu de sèla e la quichada que donèt faguèt s’esvalir la dolor dins l’esquina. Agachèt Regina.
“L’òme-aubrilhon es mòrt, que li faguèt, e lo tresen tanben.”
Ausissiá Danís sota l’encolura mai lo vesiá pas, se podiá pas clinar que la baudufa margalhada virava mai lèu encara entre lei tempes.
“Leis as trobats e leis as tuats ? Lei dos ? Siás fòrt !”
Marçau respondèt sensa quitar lo regard qu’aviá trobat, qu’aviá retrobat, se l’i arrapava, de tot biais la femna podiá ausir ela tanben, èra concernida.
“ La còla, Danís, ai demandat a la còla, enfin me sembla, ères dedins, tu, tanben. Se seràn entretuats probable. lo jorn que sabètz, Dòna …”
Li respondèt pas Regina, se clinèt sus la filheta e li potonejèt lo peu : “ Assòla-te ! que li diguèt, veses ben, Gianna, es pas un marrit òme !” Puei dau menton mostrèt la cabana a Marçau, aquest faguèt un esfòrç per levar leis uelhs, dins la tèsta la baudufa s’abrivèt que mai, sus la terrassa una autra siloeta, lònga, negra, una autra femna, mai que portava braias aquesta.
“Bungalow, Danís, pas bunguegalòva !” Riguèt, sentiguèt mai la dolor dins l’esquina e una ponhadura novèla dins lo pitre. “N’avèm bastit un a Sant-Fermin, un alberg en realitat, tot de fusta ! Es Chazinta que ditz de bungalow ! M’alasses, Danís …”
“Es farça ta femna !” faguèt lo jovent avant de recaçar Marçau que se tombava de sèla.
“Es ben fatigat. Lo còr … Madama …” qu’ausiguèt dins la sornura. L’avián installat defòra sus una mena de liechòla, un encastre dei correjas de cuer. “Liech de camp” que se pensèt. Sus la terrassa un ventolet agradiu, assolaire, de bruchs de terralhetas au fons, quauqu’un que sòrt de la cabana e se sarra d’eu. Chazinta. “Bèu, es frai Ansèume que t’a alestit aquò. Es vengut.” Li pausa una man sus l’espatla, s’i atardiva un pauc, tèn lo cotet per que posquèsse beurre.
“Ai dormit ?
- Vò, enfin, estavanit puslèu, doas ò tres oras !
- Totjorn pas de mòstra dins la pòcha, qué !
- Be non, o sas ben, lo luxe vertadier es de pas aguer besonh d’aquelei besingonhas…
- Redreiça-me !”
Chazinta anèt querre una flaçada que pleguèt en quatre, la cotèt entre leis esquinas e la paret de pètges gròs de la cabana.
“Alora, es ben aquest bungalow ?”
Riguèt Chazinta : “An trichat ! Es qu’una façada ! Rintra dins lo jaç vièlh per darrier, remontan lei parets de pèiras, dins gaire auràn una chaminèia dei bèlas, coma dins un ostau borgés !”
Tot lo miegjorn s’estaloirava a sa vista, la constellacion de l’Aigla senhorejava l’asuèlh mentre que Pegàs e lo Ciune, en dessús, emplenavan tota l’espandida dau cèu.
“Devèm èstre a la mitat de la nuech, non ? Miejanuech d’un mes d’avost que tòca a sa fin.
-Òc, la mitat de la nuech. Ai pas oblidat. Oblidarai pas. Veses ben qu’ai pas besonh de mòstra !”
Nuech d’estiu, linçòu d’estèlas e de seda negra.
“Canta l’estelam ! Entendes ? Leis indians escotavan leis estèlas e ieu ausissiáu ren ! Enfin !”
Deliciosament fresc ailamondaut lo camin de Sant Jaume que convida au viatge. Lo còrs vòu lo repaus e l’èime l’aventura, quand un endrech te porgís lei dos au còp se pòu dire qu’es paradisiac.
“Te disi aquò e pasmens crèsi pas au Paradís ! Chazinta, me sembla qu’auriás de restar aquí, dins lo relarg. Fau pas oblidar Jòus, li ai promes una prada enflorida.”
E Chazinta laissèt redolar una lagrema que Marçau dins un lòng sospir prenguèt per un astre qu’èra a mand de nàisser.
Fin de la segonda partida
Joan-Glaudi PUECH.
C’est ainsi que les hommes …
Et comme un chameau du désert il se mit sur le ventre permettant ainsi à son maître d’enjamber facilement la selle. Tête basse, épaules lasses, dos courbé, Martial s’assoupissait par intermittence au dandinement de son « fauteuil ambulant » comme il avait qualifié Jup le jour où il l’avait choisi. Les ombres rases s’étiraient et quand il levait le visage la lumière du jour l’éblouissait l’obligeant à fermer les yeux pour laisser une toupie multicolore tourner devant ses paupières, ou peut-être que c’était plus haut, derrière l’os du front. Jup avait évité le sentier trop escarpé des hommes, il suivait son chemin de cheval qui semblait se déplier sous ses sabots au fur et à mesure qu’il avançait. Il s’arrêta de lui-même à flanc de colline quand il vit la cabane. Une enfant criait, perchée sur les épaules d’un garçon aux cheveux longs. « Danis, bredouilla Martial, tu ne le reconnaît pas ? » Ils jouaient à « chevalin-chevalot » Denis hennissait comme un cheval, il faisait deux sauts à cloche-pied puis changeait de jambe. Il posa la fillette qui se jeta aussitôt dans la pente, bondissante, des bras en forme de courbe de rivière l’attendaient quelques mètres plus bas. Mère et fille que le soleil couchant couronnait de paillettes d’or.
Elle chancelle la petite enfant dans son élan, trébuche, s’entrave à des choses invisibles mais sa précipitation rend la chute impossible. Du moins le croit-elle, si on peut croire à son âge, erreur d’apprentie, pense Martial, qui dure toute une vie. Et maintenant il la voit qui s’encourt vers l’infini, fonçant dans la descente sans s’étonner d’engloutir, bouche ouverte, siècles et étoiles comme si c’étaient des moucherons, elle offre sa course à la colline et de l’offrande, en retour, elle en reçoit la pulsation de vie l’empêchant de tomber. Devant elle, grillons et sauterelles bondissent en effusions qui ne s’arrêtent jamais, et la petite enfant rit, certaine que ces êtres minuscules ont comme elle le désir d’atteindre l’absolu dans des bras en forme de courbe de rivière. Un jour pourtant elle aura tout oublié, on dira qu’elle s’est faite grande, ou peut-être en restera-t-il quelque chose, comme un petit flocon de neige dans le creux de la main, éblouissant d’être puisé à la fontaine du cœur. Toute la beauté de la vie est de garder intacte cette chose dont nous ne savons pas le nom, cette chose qui, devant elle, même la mort fait marche arrière. Une pensée que Martial ne peut exprimer. Un amour, mais pas sentimental, une plénitude qui emplit tout et qui arrête le temps.
« Commandant ? »
Martial connaît la plénitude, celle des batailles, qu’il recherchait même, mais celle-là est d’une autre mesure ; la petite fille qui volent devant ses yeux au-dessus de l’herbe est l’antichambre de l’infini. Et dans son âme la porte-forteresse de la Grande Colline s’ouvre enfin, cet infini est l’immanence sublime de l’instant, l’enchantement continuel des êtres et des choses. C’est ainsi que les hommes auraient dû être au Monde.
« Commandant ! C’est toi ? »
L’enchantement se rompt et le temps de nouveau reprit sa course quand la fillette acheva la sienne dans les bras de sa mère. Des bras qui furent courbe de rivière et qui brusquement n’étaient plus que les membres attrapeurs d’une femme, griffes femelles serrant contre le ventre son petit pour le protéger.
« Commandant ! Qu’est-ce que tu as ? Tu es blessé ? Cinq jours que t’es parti ! »
Cinq, Impossible, voulut dire Martial, deux jours, une nuit, pas plus. Danis prit les rênes et tira Jup vers la cabane.
« Allons au bunguegalove ! »
Martial souria. « Bungalow, Danis » lui dit-il dans un murmure. C’était un mot de Chazinta, ça. N’obéissant plus à Danis, Jup se planta devant la mère et sa fille et Martial s’appuya des deux mains sur le pommeau de selle, la pression qu’il donna fit disparaître la douleur dans le dos. Il regarda Régine.
« L’homme-arbuste est mort, lui dit-il, et le troisième aussi. »
Il entendait Danis sous l’encolure mais il ne le voyait pas, il ne pouvait se pencher car la toupie bariolée tournoyait maintenant entre les tempes.
« Tu les as trouvés et tu les as tués ? Les deux ? T’es fort ! »
Martial répondit sans quitter le regard qu’il avait trouvé, qu’il avait retrouvé, il s’y accrocha, de toute façon la femme pouvait entendre elle aussi, elle était concernée.
« La colline, Danis, j’ai demandé à la colline, enfin il me semble, tu étais dedans toi aussi. Ils se seront entretués probable. Le jour que vous savez, Madame … »
Régine ne lui répondit pas, elle se pencha sur la fillette et lui embrassa les cheveux : « Calme-toi ! lui dit-elle, tu vois bien Gianna, ce n’est pas un méchant homme ! » Du menton elle montra ensuite la cabane et Martial fit un effort pour lever les yeux, dans la tête la toupie accéléra encore plus, sur la terrasse une autre silhouette, longue, noire, une autre femme, mais qui portait des pantalons celle-ci.
« Bungalow, Danis, pas bunguegalove ! » Il ria, il sentit de nouveau la douleur dans le dos et une piqure inconnue dans la poitrine. « Nous en avons construit un à Saint-Firmin, un chalet en réalité, tout en bois ! C’est Chazinta qui dit bungalow ! Tu me fatigues Danis … »
« Elle est rigolote ta femme ! » fit Danis avant de rattraper Martial qui se laissait tomber de la selle.
« Il est bien fatigué. Le cœur …Madame … » entendit-il dans la pénombre. Ils l’avaient installé dehors sur une sorte de couchette, un châssis aux courroies de cuir. « Lit de camp ! » se dit-il. Sur la terrasse un petit vent agréable, apaisant, des bruits de petite vaisselle au fond, quelqu’un qui sort de la cabane et s’approche de lui. Chazinta. « Bois, c’est frère Anselme qui t’a préparé ça. Il est venu. » Elle lui pose une main sur l’épaule et s’y attarde un peu, lui tient la nuque pour qu’il puisse boire.
« J’ai dormi ?
- Oui, enfin, évanouit plutôt, deux ou trois heures !
- Toujours pas de montre dans la poche, quoi !
- Ben non, tu sais bien, le véritable luxe c’est de ne pas avoir besoin de ces choses-là …
- Redresse-moi ! »
Chazinta alla chercher une petite couverture qu’elle plia en quatre et qu’elle coinça entre les épaules et la cloison de gros troncs de la cabane.
« Alors, il est bien ce bungalow ? »
Chazinta rit : « Ils ont triché ! Ce n’est qu’une façade ! Il rentre dans le vieux jas par derrière, ils remontent les murs de pierres, dans peu de temps ils auront une belle cheminée, comme dans une maison bourgeoise ! »
Tout le côté sud s’étalait à sa vue, la constellation de L’Aigle dominait l’horizon tandis que Pégase et le Cygne, au-dessus, emplissaient toute l’étendue du ciel.
« On doit être à la moitié de la nuit, non ? Minuit d’un mois d’août qui touche à sa fin.
- Oui, la moitié de la nuit. Je n’ai pas oublié. Je n’oublierai pas. Tu vois bien que je n’ai pas besoin de montre ! »
Nuit d’été, linceul d’étoiles et de soie noire.
« Elles chantent les étoiles ! Tu entends ? Les indiens écoutaient les étoiles et moi je n’entendais rien ! Enfin ! »
Délicieusement frais tout là-haut le chemin de Saint Jacques, la voie lactée, qui invite au voyage. Le corps veut le repos et l’âme l’aventure, quand un endroit te propose les deux à la fois on peut dire qu’il est paradisiaque.
« Je te dis ça et pourtant je ne crois pas au Paradis ! Chazinta, il me semble que tu devrais rester ici, dans le coin. Faut pas oublier Jup, je lui ai promis une prairie fleurie. »
Et Chazinta laissa rouler une larme que Martial dans un long soupir prit pour une étoile qui était en train de naître.
Fin de la seconde partie