Amics occitans, la cronica Ribon-Ribanha d’ancuei, titrada « La broeta a Satan ! », v’es prepauada da Joan-Pèire BAQUIÉ, President Onorari de l’IEO-06.

Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…

a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc !

Satan parcourt le monde en chargeant dans sa brouette tous ceux qui le souillent… Il la remplit pour le bien des criminels de droit commun mais surtout des usuriers, des faillis, des financiers, des banquiers, des commerçants, des voleurs, … et des soldats qui sèment la douleur à travers le monde, avec les guerres et des politiciens et des personnes puissantes qui décident de ces guerres…‎ Fabrizio SIMONDI, chef de chœur de L’Escabòt, originaire de Pradleves, commune de la Valgrana (Cuneo), m’a demandé d’adapter à l’occitan cette chanson traditionnelle, originaire de Franche Comté. À écouter en français sur You Tube : https://www.youtube.com/watch?v=NBZeqqNoLys. Joan-Pèire BAQUIÉ.

Mèfi la broeta !

Satan lo rèi dei inferns, vèn faire sa ronda !‎
E percórrer l’Univèrs, per purgar lo monde !‎
Lu borsicotaires, ladres, rapinaires e fraudaires,‎
Toi lu usuriers, lu bancarotiers, financiers e banquiers
Faràn cabusseta …‎
Dintre la broeta !!!‎

A cò dei mercands de vin e dei aubergistas,‎
Lu mesclums van son traïn, son toi de droguistas !‎
Drògan fins au vin muscat, lo ti rendon deble e plat !‎
Son de pachocaires, de vin de liquors, òc Satan, va segur
D’un còup de coeta …‎
Emplir la broeta !!!‎

Mercands de bolhons ponchuts e de mòrt subita !‎
Non crèire que lo cornut vos tengue per quita,‎
E vautres arranca-dents, que fètz ben patir li gents,‎
Charlatans malins, que vendètz de fen,‎
En saquet, ai babèus, farètz la vireta …‎
En fond de broeta !!!‎

Per quant a vos capelans que fètz ben lu bulos,
En cascalhant l’aspersòri au paroquian credulo,
Satan vos remarcierà, d’aver predicat per eu,‎
Toi lu cuòus benets, toi lu manjadieu, tonsurats, barba aucèus,‎
Troverètz Chiqueta…‎
En fond de broeta !!!‎

E vautres valhants sordats, que portatz li armas !‎
Batalhant d’aquí d’aià, semenant lagrimas !‎
E toi lu politicians, que lu pilhan per la man !‎
Toi lu escabins e lu grands senhors, lu bailes estordits ,‎
Vos farai cambeta …‎
En fond de broeta !!!‎

Per quant a vos musicians, que cantatz li vinhas !‎
Siguètz de francs sacs a vin, siguètz sempre dignes !‎
Cu bèu, cu canta aicí-bas, ‘mé Satan anerà pas !‎
Siguètz toi cantaires, siguètz de chimpaires
Mas ailàs, se non sas, (a)questa cançoneta …‎
Mèfi (a) la broeta !!!‎

Adaptacion per l’occitan niçard : Joan-Pèire BAQUIÉ (1ier décembre 2024)

Attention à la brouette !

Satan le roi des enfers, vient faire sa ronde !‎
Et parcourir l’Univers, pour purger le monde !‎
Les accapareurs, voleurs, des rapineurs, les fraudeurs,‎
Tous les usuriers, les banqueroutiers, financiers et banquiers
Vont aller en tête …‎
Au fond de la brouette !!!‎

Chez tous les marchands de vin et les aubergistes,‎
Les mélanges ils vont leur train, ce sont des droguistes !‎
Ils droguent jusqu’ au vin muscat, ils le rendent faible et plat !‎
De tous ces tripoteurs, de vin de liqueurs, oui Satan, va sûrement‎
D’une main adroite …‎
remplir sa brouette !!!‎

Marchand de bouillons pointus et de mort subite !‎
Croyez pas que le cornu Il vous tiennent quitte,‎
Et vous arracheurs de dents, qui faites souffrir les gens,‎
Charlatans malins, qui vendez du foin,‎
En sachet, aux benêts, votre place est prête …‎
Au fond d’ la brouette !!!‎

Quand à vous les prêchaillons qui coincez la bulle !‎
En secouant vos goupillons sur vos ouailles crédules !‎
Satan vous dira merci, d’avoir su prêcher pour lui,‎
Tous les culs bénit, les bénis oui-oui, tonsurés, circoncis,‎
Vous r’ trouverez vos sectes…‎
Au fond d’ la brouette !!!‎

Et vous nos vaillants soldats, qui portez les armes !‎
Bataillant par ci par là, en semant les larmes !‎
Et tous les politiciens, qui les prennent par la main !‎
Tous les échevins et les grands seigneurs, les baillis ébahis ,‎
Votre place est prête …‎
Au fond d’ la brouette !!!‎

Quant à vous les musiciens, qui chantez les vignes !‎
Soyez de francs sacs à vin, soyez toujours dignes !‎
Qui boit, qui chante ici-bas, avec Satan n’ira pas !‎
Soyez tous chanteur, soyez francs buveurs
Mais hélas, si t’sais pas cette chansonnette …‎
Gare à la brouette !!!‎

2 thoughts on “RIBON-RIBANHA : La broeta a Satan !

  1. Aqeu tèxte mi ramenta la famosa fotò de 1943 onte vesèm Pau Ricard, lo poèta Jòrgi Rebol* e Pèire Latil carrejar
    sus una bariòta (« broeta ») la tèsta de l’estatua en Arle de Frederic Mistral. Lo mòt « broeta » es un francisme que fau
    servar aicí per de rasons de rimas e, de mai, apreni que si ditz « baroeta » dins lei Valadas.
    Leis Alemands avián decidit de fondre aquela estatua de bronze. Au finau e per astre l’estatua, inaugurada en 1909
    en preséncia dau Mèstre, serà sauvada.
    (*) Legir l’article Wikipedia que li es consacrat.

    .

    1. Vèni d’apondre en bas d’article la famoa fòto de l’estàtua de Mistral en la bariòta/broeta evocada en lo tieu messatge.

Laisser un commentaire

Votre adresse e-mail ne sera pas publiée. Les champs obligatoires sont indiqués avec *