Despí dètz ans, podètz legir cada dimècres un tèxte novèu, que l’IEO-06 vi prepaua dins la rubrica Ribon-Ribanha. Es un un espaci que mete en vista la creacion en lenga, gaug a la participacion de totplen d’autors, amics de l’associacion. Que sigon remerciats.
Per aquesta rentrada, la rubrica si torna metre en camin, e la retroberetz dimècres que ven embé un tèxte de Jan-Piè AIPERTO, mas per assegurar la seguida, e mostrar que la lenga nòstra es sempre viva, avèm besonh de la vòsta participacion, dei vòstres tèxtes de racònte, de galejada, de reflexion… a mens qui sigon de poesias, de cançons, de devinalhas, de bandas dessenadi… A vautres de jugar e de mandar lo vòstre tèxte a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc !
A prepaus de rentrada, vequí una
ISTÒRIA DE RENTRADA
Lu quaserns au fuec,
la magistra au mitan…
L’estiu es arribat, l’escòla a barrat li sieu pòrtas…
Lu pichoi s’esparpalhan, cu en cò dei grans, cu en riba de mar, cu per campejar en montanha, cu au centre de lesers, cu viatja en país forestier…
E tot aqueu bèu monde si retroveràn per la rentrada escolara, que si fa de costuma, au jorn d’ancuei, au principi dau mes de setembre.
Mi remembri la mieu darriera rentrada, que si debanèt, en lo 2018, en febrier…
En febrier ? vi diètz… Cau que vos cònti lo caua.
De rentrada, n’ai conoissut, mai d’una, a la mairala, amont d’aquela escalinada que menava a l’escòla de Sosper*, a Risso, escòla e collègi, a Massena, pi en totplen de luecs dau país nòstre, aquesto còup coma magistre, quarante ans de temps…
La rentrada, lo sabètz toi, es un jorn especial : lo desconoissut si mescla a la jòia de retrovar un monde comun, la pavana si ten au còr tant ben coma lo plaser de s’èstre vestit de nòu, l’angústia creisse de concert embé la fiertat de tenir en man la cartela nòva, lo mi ressenti encara cad’an, que resti en faça de l’escòla dau vilatge…
Siáu segur que cadun si remembra d’un jorn de rentrada…
Aquela que ne’n vi vòli parlar, non fuguèt mieuna, e pura siguèt per ieu un moment d’esmoguda e de bonur, que auguèri fortuna d’acompanhar mon felen, lo màger, Sandro, que per la premiera fès, anava a l’escòla.
En delà dei mars, au mes de febrier, dau temps que tombava nèu sus Pelhon, èri au bèu solelh dau Pacific, amont d’una escalinada, que calia calar aquesto còup per arribar davant la cort de l’escòla.
Era lo principi de l’an escolar que va, aià, de febrier a decembre…
E aquí… coma per toi lu pichoi dau monde que pòdon, per fortuna, anar a l’escòla, l’aventura novèla… laissar la man de la mamà, dau papà, regardar tota aquela efervecença dei adieus, dei rires, dei crids, dei plors, dei mans que si tòcon, dei mandius que panan li làgrimas, dei paraulas que rasseguran, dei braç consolators que si duerbon per aculhir… Un remolin que sembla sensa fin…
E pura, lèu lèu, lo tintin si fa audir.
Un darrier regard.
Bòna jornada, pichon !
La rentrada es passada.
Ja…
* Sospel. Prononcez, comme à Sospel, [Suʃ ‘pɛR ] c’est à dire : (Souchpèr)
Joan-Pèire Spies
Lo 24 de Sant Joan dau 2018
HISTOIRE DE RENTREE
Les cahiers au feu,
la maîtresse au milieu…
L’été est arrivé, l’école a fermé ses portes…
Les enfants se dispersent, qui chez les grands-parents, qui à la mer, qui pour camper en montagne, qui au centre de loisirs, qui en voyage dans un pays étranger…
Et tout ce petit monde se retrouvera pour la rentrée scolaire, qui a lieu d’habitude, de nos jours, au début du mois de septembre.
Je repense à ma dernière rentrée, qui s’est passée, en 2018, en février !
En février ? vous dites-vous… Il faut que je vous raconte cela.
Des rentrées, j’en ai connues, de nombreuses, à la maternelle pour commencer, en haut de cet escalier qui menait à l’école de Sospel, à Risso, (école et collège), à Masséna, et puis dans beaucoup d’endroits de notre région, cette fois comme instituteur pendant quarante ans…
La rentrée, vous le savez tous, est un jour particulier : l’inconnu se mêle à la joie de retrouver un monde coutumier, la peur vient au cœur en même temps que le plaisir des habits neufs, l’angoisse monte avec la fierté de porter le nouveau cartable, je le ressens encore chaque année, du fait que j’habite en face de l’école du village…
Je suis sûr que chacun a des souvenirs d’un jour de rentrée…
Celle dont je veux vous parler, ce n’est pas moi qui l’ai faite, et pourtant ce fut un moment d’émotion et de bonheur, parce que j’ai eu la chance d’accompagner mon petit-fils, l’aîné, Sandro, qui allait à l’école pour la première fois.
De l’autre côté des mers, au mois de février, alors qu’il neigeait sur Peillon, j’étais sous le beau soleil du Pacifique au sommet d’un grand escalier, qu’il fallait descendre, cette fois, pour arriver devant la cour de l’école.
C’était le début de l’année scolaire qui va, là-bas, de février à décembre…
Et là… comme pour tous les enfants du monde qui ont la chance d’aller à l’école, l’aventure nouvelle… lâcher la main de la maman, du papa, regarder toute cette effervescence des au revoir, des rires, des cris, de pleurs, des mains qui se touchent, de mouchoirs qui essuient les larmes, des mots qui rassurent, des bras qui s’ouvrent pour consoler et accueillir… Un tourbillon qui semble ne jamais finir…
Et pourtant, bien vite, on entend la sonnette.
Un dernier regard.
Bonne journée, petit !
La rentrée est passée.
Déjà…
Jean-Pierre Spies
le 24 juin 2018