Es decidat, esto matin vau faire la caminada de Ròcasparviera.
Dins la veitura que de Niça mi mena a Coarasa, luec de partença de la draia, lo mieu esperit fa viatge en lo passat. Caminar devèrs Ròcasparviera es un pauc coma anar sus li peadas de la regina Joana. Una regina que, segon la legenda, laissèt lo sieu castèu ajocat sus la ròca per anar a messa a Coarasa la velha de Calènas de l’an 1357. Una legenda a faire driçar lu pels dei braç e a vos donar la pèu de galina.
Èri encara en lu mieus pensiers quora arribèri au parc dei veituras de Coarasa. Cambièri li cauçuras de vila per aqueli de montanha e m’endraièri, sensa tardar, sus lo pichin camin dau Ponent que passa au mitan dei maions dau vilatge. Cinc minutas après, èri ja davant la capèla de la Madòna dei Sèt Dolors dicha capèla Blu. Si pòu pas mancar, que ja, si vé dau parc dei veituras.
Coarasa : la capèla Blu
Passada la capèla, a man seneca, si pilha un camin forestier, que pua fins en una rivòuta dont s’atròva un panèu dont l’i es escrich « Ròcasparviera ». Pilhatz aquesta draia devèrs lo Nòrd per una lònga traversada que passa mai d’un valon.
Sus la dràia
Après una ora e mieja, doi oras per aquelu que caminan plan-plan, arriberètz au còl Sant-Miquèu, dominant lo vilar de l’Engarvin.
Es aquí que lo vilar de Ròcasparviera abandonat despí lo sècolo XVII apareisserà dins lo sieu entier. Un si pòu demandar, dins aquesta vision fantasmagorica, coma fins a 350 estatjants posquèron viure en aquest luec isolat, ajocat sus d’una ròca inospitaliera. Ieu l’i siáu demorat ben dètz minutas, lo regard pegat devèrs la montanha. Minga esparvier trevava lo ciel, gris, quora l’i anèri.
Ròcasparviera
Cau ensègre l’ascencion (Nòrd-Oest) per la draia que desboca a la capèla Sant Miquèu (1 089 mètres d’autessa) e arribar quauqu dezenaus de mètres mai luenh ai roinas de Ròcasparviera (1 110 mètres d’autessa).
Mèfi ! en lo vilar de Ròcasparviera aroinat, lo dangier d’un barri ò d’un votin que s’encalan deu èstre present a l’esprit de toi.
Ieu siáu tornat per la mema draia, mas si pòu pilhar aquela que mena a l’Engarvin e a la rota departementala (D15). La durada de la caminada anar-venir es de circa 4 oras. Podètz utilizar la mapa « Vallée de la Bévéra » au 1 : 25 000e.
V’aconselhi de partir bòna ora de matin, un jorn de prima e de solèu, que la draia per cas de pluèia porria èstre dangieroa en doi-tres luecs.
C’est décidé, ce matin je vais faire la marche de Rocca Sparvièra.
Dans la voiture qui de Nice m’amène à Coaraze, lieu de départ du sentier, mon esprit fait un voyage dans le passé. Marcher vers Rocca Sparvièra, c’est un peu comme aller sur les traces de la reine Jeanne. Une reine, qui selon la légende, quitta son château juché sur les roches pour aller à la messe à Coaraze la veille de Noël de l’an 1357. Une légende à faire dresser les poils des bras et à vous donner la chair de poule.
Lo vilatge de Coarasa
J’étais encore perdu dans mes pensées lorsque je suis arrivé au parking de Coaraze. J’ai échangé mes chaussures de ville pour celles de montagne et je me suis dirigé, sans attendre, sur la petite route de l’ouest qui passe au milieu des maisons du village. Cinq minutes après, j’étais devant la chapelle de Notre Dame des Sept Douleurs surnommée chapelle Bleue. On ne peut pas la manquer, étant donné qu’elle est déjà visible depuis le parking.
Après avoir dépassé la chapelle, on prend une route forestière qui grimpe jusqu’à un lacet où se trouve un panneau où est écrit « Rocca Sparvièra ». Prenez ce sentier vers le Nord, pour une longue traversée à travers plusieurs vallons.
Une heure et demie à deux heures après, pour ceux qui marchent lentement, vous arriverez au col Saint Michel qui domine le hameau de l’Engarvin.
C’est ici que le hameau de Rocca Sparvièra abandonné depuis le XVIIième vous apparaîtra dans son ensemble. On pourra se demander, face à cette vision fantasmagorique, comment purent vivre dans ce lieu isolé et perché sur une roche inhospitalière 350 habitants. Moi, je suis resté au moins dix minutes, le regard rivé vers la montagne. Aucun épervier ne hantait le ciel, gris, ce jour là.
Il faut poursuivre l’ascension (Nord-Ouest) par le sentier qui arrive à la chapelle Saint Michel (1 089 mètres d’altitude) et arriver quelques dizaines de mètres plus loin aux ruines de Rocca Sparvièra (1 110 mètres d’altitude).
Attention ! dans le hameau de Rocca Sparvièra, en ruine, le danger d’un mur ou d’une voûte qui s’effondrent doit être présent à l’esprit de chacun.
Moi, je suis retourné par le même chemin, mais on peut prendre celui qui conduit à l’Engarvin et à la route départementale (D15). La durée de la marche aller-retour est d’environ 4 heures. Vous pouvez utiliser la carte « Vallée de la Bévéra » au 1 : 25 000ième.
Lo vilatge de Coarasa (detalh)
Je vous conseille de partir de bonne heure le matin, un jour de printemps ensoleillé, car le sentier en cas de pluie pourrait être dangereux en deux-trois endroits.
