Amics occitans, la cronica Ribon-Ribanha d’ancuei titrada « D’una autra utilizacion dau «cheese burger» » v’es prepauada da Joan-Pèire Baquié president de l’IEO-06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
D’una autra utilizacion dau « cheese burger ».
Pareisse qu’un american, d’un vintenau d’annadas, es estat empresonat après aver barcelat la sieu calinhera emb’un « cheese burger ».
Aquò si debanèt, de cen que si ditz, en Florida, pròche Miami.
Coma de costuma, l’òme, incondicional d’aquesta manjuca, es anat en un « manja-lèu-manja-vito » per si crompar aquesta entrelescada a basa de fromai, de carn chaplada, d’òu e de cogombret doç. Per ganhar encara de temps s’es fach servir en la veitura. Es aquí qu’a començat una garrolha en la cobla. L’òme, qu’avia ren sota man en defòra d’aquest pan-banhat exotic, l’a aplicat sus la cara de l’infortunada amoroa.
La batèsta s’es perseguida en defòra de la veitura, dont la maleroa siguèt encara mortificada de pariera maniera. De segur la domaisèla a portat plenta e l’òme se’n anèt en càrcer.
Sabem pas cen qu’acapitèt en aquest « cheese burger », se l’an mes sota celofan, per servir de pròva dins un procès eventuau, se l’òme lo si manjèt après la disputa ò se si retrovèt en lo bordilhier.
Es que pariera aventura auria poscut si debanar au nòstre emb’un pan-banhat ? Aquò lo sabi pas mai.
Cen que sabi es que de cercaires de Stockholm en Suèda, qu’an estudiat lo chibo vendut en lu « fast-food », an dich qu’un regime ric en sucre, graissa, colesteròl coma aquest, porria afortir l’aparicion de la maladia d’Alzheimer.
Cen que sabi encara es que d’aquesta norritura ne’n manjerai pas, ne ancuei ne deman…
Joan-Pèire BAQUIÉ
D’une autre utilisation du « cheese burger ».
Il paraît qu’un américain, d’une vingtaine d’années, a été emprisonné après avoir frappé sa fiancée avec un « cheese burger ».
Cela se passa, d’après nos informations, en Floride, près de Miami.
Selon son habitude, l’homme, un inconditionnel de cette nourriture, est allé dans un « fast food » pour acheter ce sandwich à base de fromage, de viande hachée, d’œuf et de cornichon doux. Pour gagner encore du temps, il s’est fait servir dans la voiture. C’est ici qu’a commencé la dispute dans le couple. L’homme, qui n’avait rien d’autre sous la main en dehors de ce pan-bagnat exotique, l’a appliqué sur le visage de l’infortunée amoureuse.
La bataille s’est poursuivie hors de l’automobile, où la malheureuse fut encore mortifiée d’égale manière. Bien sûr, la demoiselle a porté plainte et l’homme s’en fut en prison.
Nous ne savons pas ce qui arriva a ce « cheese burger », s’il fut mis sous cellophane, afin de servir de preuve dans un procès éventuel, si l’homme le mangea après la dispute ou bien s’il se retrouva à la décharge.
Est-ce que pareille mésaventure aurait pu se dérouler chez nous avec un pan-bagnat ? Cela je ne le sais pas.
Ce que je sais, c’est que des chercheurs de Stockholm en Suède, qui ont étudié les ingrédients vendus dans les « fast-food », ont affirmé qu’un régime riche en sucre, graisse, cholestérol comme celui là, pourrait favoriser l’apparition de la maladie d’Alzheimer.
Ce que je sais encore, c’est que de cette nourriture je n’en mangerai pas, ni aujourd’hui, ni demain.