TOLOSA, L’I ERAVAM 30 000
De monde, totplen de monde lo 31 de març per lo passa-carrieras en favor de la reconoissença de l’occitan e de la sieu cultura. L’i eravam 30 000 ; mai qu’a Carcassona 1 (15 000) en lo 2005, mai qu’a Besièrs (20 000) en lo 2007, mai qu’a Carcassona 2 (25 000) en lo 2009. En mai d’aquò, per lo premier còup, Bascos (7 000 personas a Baiona), Catalans ( 5 800 personas a Perpinhan) , Bretons (8 000 personas a Quimper), Còrsos, Alsacians,… avion fach d’aquesta jornada, una jornada per li sieu revendicacions culturali tanben.
La manifestacion partèt a 2 oras e mieja de la plaça de l’Euròpa, luec mai que simbolic per nautres qu’aregretam que França augue pas ratificat encara la Carta Europenca dei Lengas Regionali e Minoritaris.
La coa dau cortège es arribada a 6 oras dau vèspre plaça dau Capitòli, au crit d’ « Anem òc ! Per la lenga occitana ! Anem òc ! Per la lenga d’òc ! ». La serada s’es acabada emb’un concèrt dau Còr de la Plana, Nadau e lu sieus amics.
Siam estats uros d’aquesta capitada maugrat un contèxto economic gaire favorable. Aremerciam toi lu sòcis e amics que faguèron lo desplaçament embé nautres ; aquelu que venguèron en carri, en veitura ò per avion.
Ren es acabat, tot es encara da faire e si farà se lo volem toi ensems.
Pichin encoratjament en tornant de Tolosa, un messatge sus lo respondaire que m’anonçava que lo pòste d’ensenhament d’occitan-lenga d’òc au collègi Léonard de Vinci (Montauroux) serà mantengut.
Tirerem toi lu ensenhaments d’aquesta jornada lu 12 e 13 de mai a Niça, a l’AG de l’IEO-Federal. Demandi ai sòcis de l’IEO-06 e dei autri seccions de l’i participar numeros en si marcant. : http://ieo06.free.fr/spip.php?article2225
Plaça de l’Euròpa, lo monde comença de s’arecampar
L’i siam e lu amics de l’Escomessa tanben
Pais-Niçard es tèrra occitana
Coleta, Ivona, Isabèla, Joan-Lois èran de la partida…
…Jeanòt e Lili tanben…
…Arleta e Joan-Pèire finda
La fanfara Goulamas n’a fach balar
En la fòga, de centenaus de bandieras
en lenga nòstra sioplet !
Lo discors dau President de l’IEO-Federal sus lo pontin
Lo concert de Nadau, plaça dau Capitòle
D’autres imatges son da veire sus PICASA e d’autres segueràn…
https://picasaweb.google.com/ribonribanha/TOLOSA31DeMarcDau2012#
Fòtos : Regina BAQUIE