Despí un pauc mai de tres ans, lo mesadier coarasier « Sota Ferion », presenta d’articles en occitan niçard : editorial bilingüe, pichin lèxico niçard, istòrias e cançons en lenga, e n’en passi. Ancuei una novèla demanda nos vèn de la redaccion d’aquest jornal » aller plus loin avec le Niçois, en proposant des petites phrases de la vie courante » . Saludam aquesta novèla demanda que va en lo sens d’una socialisacion e d’una reconquista de la lenga. Encoratjat da Pèire BRECHET autor de « Comunicar en occitan provençau » si siam pensats d’utilisar lu mòts, li expressions e divèrs idiotismes dau niçard per metre tot aquò au servici de la demanda sociala. Sus lo jornal si porrà pas tot metre, que siam limitats per la chifra dei caractèrs, mas cadun porrà completar e mandar au site li expressions sieui per fin de completar lo subjèct tractat e faire òbra comuna. Vos arremerciam.
Sinonimes : La discrecion, l’umilitat, la pudor, la reserva, la retenguda, la simplicitat.
Synonymes : La discrétion, l’humilité, la pudeur, la réserve, la retenue, la simplicité.
A fach aquò embé modestia. Il a fait cela avec modestie.
A de pretencions modèsti. Ses prétentions sont modestes.
Lo past èra modèst. Le repas était d’une grande simplicité.
Es d’una granda modestia. Il/Elle est d’une grande modestie.
La sieu modestia es finta. Il/Elle affiche une fausse modestie.
Mena modestia. Il/Elle est d’un naturel modeste.
Faire lo modèst/l’umblet. Faire le modeste.
L’aurian deugut sonar Modest. On aurait dû l’appeler Modeste. (Ironique)
A l’intelligença modèsta, es pas un lume. Son intelligence est modeste, ce n’est pas une lumière.
Vèn d’una familha ben modèsta. Il/Elle est d’une origine très modeste.
A fach aquò embé/per umilitat. Il/Elle a fait cela avec/par humilité.
Es omble/umble. Il/Elle est humble.
Sembla un(a) sant(a), a pas votz au capítolo. Il/Elle doit se taire.
La sieu engimbradura es modèsta. Sa mise est modeste.
Es la quinta/cinquiema ròda de la carreta. Il/Elle passe après les autres.
Si fa pichon. Il se fait petit, insignifiant.
Cridar seba. (1) Demander grâce. Dire seba. Céder.
Calar. Se soumettre.
Plega l’esquina. Il/Elle courbe le dos.
Fa pietat. Il/Elle fait pitié.
Li doneriatz vint sòus per si crompar de braias. (On le dit à quelqu’un qui fait pitié)
Li fariatz la caritat ! (Se dit d’une personne mal mise mais qui en fait, a des moyens pécuniaires).
Per/Segon lo pauc que sabi. À mon humble avis.
A fach aquò en tota innocença, sensa pensar a mau. Il/Elle a fait cela avec (en toute) innocence, sans penser à mal.
Es innocent(a) coma l’enfant que vèn de nàisser. Il/Elle est innocent(e) comme l’enfant qui vient de naître.
Provèrbi e dire : Es innocent coma un diau de quatre ans, es un innocent emborrat de malícia. Il est innocent comme un diable de quatre ans, c’est un innocent rembourré de malice.
Farètz trefolir de jòia, mei vièlhs òs umeliats. Vous ferez frétiller de joie, mes vieux os humiliés (Frédéric MISTRAL)
(1) Seba : mot d’origine arabe : «saba» ou «seibou» qui veut dire : baste, j’en ai assez. « Crier seba », en occitan, a pour signification : demander grâce, reconnaître sa défaite. À ne pas écrire comme «ceba» l’oignon.