Dissabta 25 de junh dau 2011 la comuna de Bendejun festejava lu sieus 100 ans. Per aquesta ocasion si debanèt un consèu municipal excepcional dont l’occitan-niçard siguèt emplegat a paritat emb’au francés. Au dire dau cònsol Joël GOSSE e dei sieus ajonchs èra lo premier còup que lo niçard èra emplegat per un acamp oficial a la comuna. La television (France 3) èra estada convidada e filmèt l’eveniment. Aurètz l’ocasion de veire lu imatges dins l’emission Vaqui bessai a la rentrada de setembre. Cau notar que lu escolans dau cicle 3 de Bendejun participèron a l’eveniment e cantèron la cançon creada bèl expressi e qu’a per nom : Cançon per bendejun”. L’IEO èra present embé Pèire BRECHET (president-federal de l’IEO), Anna-Maria POGGIO (Viça-presidenta de l’IEO-Federal), Glaudi Juniot (president de l’IEO-PACA), e Joan-Pèire BAQUIE (president de l’IEO-06). Vos presentam quauqui fòtos pilhadi a la sortida dau consèu municipal.
Per legir li paraulas de la “Cançon per Bendejun” :
http://ieo06.free.fr/spip.php?article2071
En lo còro, una grana partida dau consèu municipal canta la “Cançon per Bendejun”
Au premier plan, lu escolans dau cicle 3 de l’escòla de Bendejun e Joan-Lois Ruf, lo compositor de la cançon.
De seneca a drecha Joël Pallini premier ajonch e Joël Gosse cònsol de Bendejun en discutida embé Joan Pèire BAQUIE, l’autor de la cançon.
 |
| 100 ans de la comuna de Bendejun |