L’I.A au servici de la lenga.

L’I.A au servici de la lenga. «Tota innovacion tecnologica a lu sieus marrits e lu sieus boai costats. Es ensin, l’i podèm pas escapar » coma lo m’escriguèt Jaume PIETRI, que mi faguèt descurbir lo travalh de Marc Russel e de Laurenç REVEST publicat en la revista en rega Jornalet (quotidian occitan d’informacion) : https://www.jornalet.com/opinion/24459/oc-pop-2-laurenc-revest-e-mentan-city

Lo nòstre sòci Laurenç REVEST, professor d’Occitan-Lenga d’òc a decidat d’utilizar l’I.A au servici de la lenga de maniera ben plasenta. Bessai que la sieu iniciativa balherà a d’autres l’idea de se n’en servir.

L’idea novatritz de Laurenç es de crear de tèxtes de cançons emb’ai escolans e d’utilizar l’I.A per la música.

Premier, la sieu idea, èra d’escriure de paraulas de rap sus lo vilatge de Pelha (06) “Pelha es a cima » e d’utilizar l’IA per li convertir en un tròç de música acabat.

Pelha es a cima

Mi passegi dintre i carrierai, vibe auténtica
Pelha coma una pèira, vila quasi mítica
O sorelh pica, a montanha refleta
Cada canton dar vilatge, una pepita secreta
Pas besonh de torres, nimai de lutz fòrta
Aquí es a natura que pilha tota a siu fòrça
i gents son vers, minga masca, pas de cinema
Benvenguts a Pelha, aquí es en cò miu, aquò va…

…Pelha, ti vòri ben, aí, t’o dio sio sincèr
Es o melhor vilatge dar monde, non far de mistèri
Entre cèl e tèrra, gravat dintre a pèira
Pelha es unica, degun a var, mon Fraire…

…O temps se ralentisse quora pausi i pès aquí
Pas besonh d’anar luenh per tocar l’infinit
Cada sason pòrta a siu pròpria magia
Mas l’ambient demòra pur, es una garantia
i vièlhs ti cuentan, i murralhai an una istòria
Cada agacha crosat ven un remembre a part
Minga estrès, pas de bruch, just la vida vera
Pelha dintre i venai, per totjorn o brami fòrt…

…Yeah… Pelha fins ar bot…
Es pas just un vilatge… es un estat d’esperit.

(Paraulai de la cançon “Pelha es a cima” creaias per Laurenç Revèst)

Presentacion de la cançon a la classa.

Aüra la podètz audir aquí :

Inspirats per la música que lo professor avia creat per Pelha, vorguèron una cançon per la sieu pròpria vila : Mentan (Menton). Lu collegians, compauèron la màger part dei paraulas, sobretot li classas de quarta e de terça. Faguèron de suggestions : d’unu escriguèron de coblas, d’autres basta quauqu mòts. L’objectiu èra de li mostrar qu’en una ora de temps èra possible de faire una cançon !

Mentan City

Dintre o quartíer dau Carrei, o sorelh se leva,
E o vent d’a marina canta çò que o cóer saup ja.
A Garavan, e barque dançan susa l’aiga blua,
E e vose d’u pescaors fan un cant ben viu.

Ò Mentan, vila doça entre mont e mar,
U tes quartíers fan un sòmi tan quiar.
D’a vila vielha fint a u jardins en fior,
Cada camen cuenta una stòria d’amor.

Dintre a ciutat vielha, e pèire gardan o temps,
E u gaveràs d’enfantes ressònan lentament.
Au Boirig, o vèrd ese coma un miralhet,
E o chèlo s’i pausa damb un silenci jamai soret.

Vèrs Mentan, o perfum d’e fiors creishe vito,
E o jòrn s’acaba damb de corors de fueg e de lemons.

(Paraule creaie per u collegians dau collègi Maurois, ajuats per o professor Laurenç Revèst)

Per escotar es aquí :