Dau temps dei Rescòntres Occitans en Provença dau 2019, l’atalier de lenga siguèt l’ocasion per lu estagiaris, de pensar, de parlar en situacion, d’escriure, de crear en occitan.
Lo juec dau diccionari, siguèt un dei premiers exercicis prepauats. Lo vos presentam çai sota :
Lo juec/jòc dau diccionari.
Durada :15 a 60 min.
Minga de preparacion
Luec : Dintre
• Papier
• 1 estilò per cada jugaire
• 1 diccionari
Objectius dau juec.
• Faire pròva d’imaginacion e de deduccion.
Debanament e règlas dau juec.
Aquest juec permet a cadun d’inventar de novèli definicions, serioï ò non.
Un jugaire es designat per èstre mèstre dau juec e comença : causisse un mòt dins lo diccionari, mòt desconoissut dai autres jugaires, e lo prepaua. D’escondut, cada jugaire deu donar una definicion dau mòt, inventada mas la mai credibla dau mòt causit. Lo mèstre dau juec, eu escriu la definicion exacta
Quora tot lo monde a acabat, li fuelhas emb’ai definicions son recampadi mescladi e lo mèstre dau juec liege una a cha una sensa faire de comentari toti li definicions prepauadi, la sieua compresa.
Cada jugaire vòta per la definicion que pensa d’èstre la bòna. Es enebit de votar per la sieu própria definicion.
Quora tot lo monde a donat lo sieu avejaire, lo mèstre dau juec ditz quau èra la bòna definicion.
Lo mèstre dau juec cambia a cada còup, marca autant de ponchs que lo monde an causit la sieu definicion. Un jugaire marca un ponch se a trovat la bòna definicion. Lo juec s’acaba quora tot lo monde es vengut mèstre dau juec.
Ex : parroqueta – pastamortier – clotut – cochairar – cochamerluç -mandre -paupa-aissada (Mòts trachs dau Diccionari Provençal-Français dau CREO-Provença).
Una parroqueta
