Se lo siti de l’ieo-06 a pres un pauc de vacanças ben ameritadas, es pas estat ansin ambé la cronica « Nice-Matin » tenguda per l’IEO-06 dins l’edicion grassenca qu’a fach camin. Publicam encuei un autre « RESSON D’AQUI » de l’estiu, un tèxt de Maria-Laurença : Lo papet de Sant-Valier.
Vautres toi sòcis ò amics nos podetz escriure per prepausar lei vòstres tèxts.
Lo papet de Sant-Valier.
Es quauqu’un, lo papet de Sant-Valier ! Lo sègle a quatre ans quand naisse dins lo vilatjon dau país grassenc. Dins la familha, li a ja quatre filhas e un enfant, vendràn encara un enfant e doei filhas ! Toi trabalhan a la campanha : fan venir de blad, de trufas, d’ortaias, an de bèstias… E l’enfanton fa d’èrba per lei lapins, govèrna lei polas…
Vèn la guèrra. Parton per si batre leis òmes. Emai lo pastre que gardava la cabraia dau vilatge. Lo paire dau papet, tròp vièlh per anar a la guèrra, pren lo pretzfach e son lo papet e la sieu sòrre que gardan au Devens. A dètz ans, es ja quauqu’un, lo papet de Sant-Valier ! D’ora, va servir la messa, revèn a l’ostau, dejuna e zo ! en plaça de l’Apier. Endralha lei tres cents vint cabras e passa tot lo jorn defòra. Ansin, sabètz, l’escòla…
Arriba lo temps de faire lo sordat. Eu, lo pastre dei montanhas e dei còlas, lo mandan… dins lei Caçaires ? Que nani, dins la Marina ! Lo geina pas, si saup adaptar, que, l’ai dich, es quauqu’un, lo papet de Sant-Valier ! Après doi ans, si recampa. A de besonh d’un garda la Comuna ? Devèn garda, ambé bèla placa de coire a la bricòla, bèu quèpi e rabatin… per impressionar un pauc. Pas tròp marrit, faguèt que sèt procès, en sèt ans !
Pren, puei, un vintenau de vacas, mai, tanben, laura, semena, meissona, sega… que sabi ieu ? Longanheja pas ; rescòntra, un jorn, la mameta a la fiera de Faiença e zo ! trenta uech jorns pus tard, son maridats. Pasmens, es quauqu’un, lo papet de Sant-Valier ! Jamai malaut, a sauput menar la sieu vida, abalir quatre enfants, crompar de tèrras, de fenieras, un ostau…
A nonanta ans, èra enca’ actiu : l’òrt, lei polas, lei lapins e un bòn còp de dalh per segar lo prat. Aviá tant barrutlat dins lo territòri de la comuna que sabiá en cu apartenián lei tèrras, dont èran lei drechs de passatge, lei limitas, lei bens comunaus : lo venián sovent consultar sus aquò. Era totjorn quauqu’un, lo papet de Sant-Valier !
Foguèt, tota la vida, l’exemple dau coratge, de la perseverança, de la tenacitat. Repauva, ara, dins lo pichin cementèri. Per ieu, serà totjorn quauqu’un lo papet de Sant-Valier !
Maria-Laurença.
Mon grand-père de Saint-Vallier.
C’est quelqu’un, mon grand-père de Saint-Vallier ! Le siècle a quatre ans quand il naît dans le petit village du pays grassois. Dins sa famille, il y a déjà quatre filles et un garçon, naîtront encore un garçon et deux filles ! Tous travaillent aux champs : ils font pousser blé, pommes de terre, légumes, ils ont des bêtes… Et le jeune enfant ramasse de l’herbe pour les lapins, soigne les poules…
Vient la guerre. Les hommes partent se battre. Même le berger qui gardait le troupeau de chèvres du village. Le père de mon grand-père, trop vieux pour aller à la guerre, se charge de ce travail et ce sont mon grand-père et sa sœur qui gardent les bêtes dans le Défens. A dix ans, il est déjà quelqu’un mon grand-père de Saint-Vallier ! Tôt, il va servir la messe, revient à la maison, déjeune et allez ! place de l’Apié. Il prend la tête des trois cent vingt chèvres et passe toute la journée dehors. Aussi, vous savez, l’école…
Arrive le temps du service militaire. Lui, le berger des montagnes et des collines, on l’envoie… dans les Chasseurs Alpins ? Que non, dans la Marine ! Cela ne le gêne pas, il sait s’adapter, car, je l’ai dit, c’est quelqu’un, mon grand-père de Saint-Vallier ! Deux ans plus tard, il rentre. La Mairie a besoin d’un garde-champêtre ? Il devient garde-champêtre avec belle plaque de cuivre à la bandoulière, beau képi et révolver… pour un peu impressionner. Pas trop sévère, il n’a dressé que sept procès verbaux en sept ans !
Il acquiert, enfin, une vingtaine de vaches, mais, en plus, il laboure, sème, moissonne, fauche… que sais-je encore ? Il ne lambine pas ; il rencontre, un jour, ma grand-mère à la foire de Fayence et hop ! trente-huit jours plus tard, ils sont mariés. Quand même, c’est quelqu’un, mon grand-père de Saint-Vallier ! Jamais malade, il a su conduire sa vie, élever quatre enfants, acheter des terres, des granges, une maison…
A quatre-vingt dix ans, il demeurait toujours actif : le potager, les poules, les lapins et un bon coup de faux pour couper l’herbe du pré. Il avait tant vadrouillé sur le territoire de la commune qu’il savait à qui appartenaient les terrains, quels étaient les droits de passage, les limites, les biens de la commune : on venait souvent le consulter à ce sujet. C’était toujours quelqu’un, mon grand-père de Saint-Vallier !
Il a été, sa vie durant, l’exemple du courage, de la persévérance, de la ténacité. Pour moi, ce sera toujours quelqu’un, mon grand-père de Saint-Vallier !
Agenda :
Au Rouret, sur la place de la Mairie, le vendredi 11 août, à 21h, Jean-Michel Mayer chante la Provence (en français).
Tous les « Ressons d’Aquí » sur le site :