Amics occitans, la cronica Ribon-Ribanha d’ancuei, titrada « LA MAIADA » v’es prepauada da JP. SPIES, vici president de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
LA MAIADA
Conoissètz la maiada ?
Es un biais d’onorar un elegit novèu.
Aquela tradicion es encara viva en totplen de luecs en lo país occitan, dei valadas de Pimont fins en Limosin e en Gasconha.
Lo nom de maiada ven de la semblença mé lo plantar de l’aubre de mai, ò biga garnida, simbòlo de renaissença, plantat per lo cambiament de sason, e que si viran lu mais sota.
Es costuma de plantar un aubre ornat de bandieras per cada conselher après dei votacions municipali.
Lu òmes dau país talhan un aubre lòng e bèu en lo bòsc, li levan toti li brancas fòra aqueli de la cima, pi lo decòran mé de papiers colorats, de ribans, de drapèus, e l’i meton un panèu que l’i es escrich sobre : « Onor au nòstre elegit ».
Aquel aubre es pi plantat dins un trauc fach en tèrra pròch de la maion dau conselher, en lo jardin. Si festeja alentorn de l’aubre, e aqueu s’està en plaça d’annadas. De còup que l’i a, si planta un aubre collectiu davant de la comuna.
Justament rescontrèri ier lo mieu amic Joan-Marc en cu parlèri d’aquest afaire. Mi cuntèt aquò :
« Mi parles de mai… Aquò mi fa sovenir d’un’ istòria emb’ai mieus parents.
Mon paire e ma maire, una nuech, èran au liech.
E an audit, au mitan de la nuech, de bosin defòra per la carriera. Mon paire diguèt à ma maire « L’i a de monde defòra, l’i a de rambalh, sabi pas cen que si passa, m’en vau sonar la gendarmeria ».
Ma maire li diguèt : « Mas non, aquò son de joves que fan la fèsta, que se’n tornan a l’ostau ». E tornèron au liech s’endurmir.
E lo matin, quora si levèron, dins lo jardin, davant l’ostau, l’i avia lo mai, lo mai quilhat !
Mon paire èra estat elegit a la comuna pauc de temps fa, e lo monde dau vilatge volion organisar la fèsta dau mai, e l’i avian quilhat l’aubre dau mai de nuech ! »
D’aquelu aubres de mai, ne’n podètz encara veire de tota mena en lu vilatges se vi passejatz en Auvernha aquest’an, n’i aurà totplen de novèus dau fach que si faguèron li eleccions gaire de temps fa ! E, en causa de paritat, n’i aurà encara mai au feminin !
Joan-Pèire Spies
LA MAÏADE
Est-ce que vous connaissez la maïade ?
C’est une manière d’honorer un nouvel élu.
Cette tradition est toujours vivace dans de nombreuses communes des régions occitanes, des vallées du Piémont jusqu’en Gascogne et dans le Limousin.
Son nom vient de la parenté avec la plantation de l’arbre de mai, ou mât de cocagne, symbole de renouveau, planté pour le changement de saison, et autour duquel on « tourne » (on danse) les mais.
On a l’habitude de planter un arbre décoré de drapeaux, de rubans, de guirlandes pour chaque conseiller à la suite des élections municipales.
Les habitants de la commune coupent un bel arbre de grande taille dans les bois, ils l’ébranchent presque totalement, sauf la tête, puis le décorent avec des papiers, des rubans tricolores, des drapeaux, et y accrochent un panneau où est écrit : « Honneur à notre élu ».
Puis cet arbre est planté dans un trou creusé près de la maison du conseiller, dans son jardin. Alors on fait une fête autour de l’arbre, et il reste en place pendant des années. Parfois, on plante un arbre collectif devant la mairie.
J’ai rencontré hier mon ami Jean-Marc, à qui j’ai parlé de cette tradition. Il m’a alors raconté ceci :
« Tu me parles de ma maïade… Ça me fait penser à une histoire avec mes parents.
Mon père et ma mère, une nuit, étaient couchés.
Et ils ont entendu, au milieu de la nuit, du bruit dehors dans la rue. Mon père dit à ma mère « Il y a du monde dehors, il y a du bazar, je ne sais pas ce que se passe, je vais appeler la gendarmerie ».
Ma mère lui dit : « Mais non, ce sont des jeunes qui font la fête, qui rentrent chez eux ».
Et ils se rendormirent.
Et au matin, quand ils se levèrent, dans le jardin, devant la maison, il y avait le mai, le mai planté !
Mon père avait été élu au conseil municipal peu de temps auparavant, et les gens du village voulaient organiser la maïade, et ils lui avaient dressé l’arbre du mai pendant la nuit ! »
Des arbres de mai dressés, vous pouvez encore en voir de toutes sortes dans les villages si vous vous promenez en Auvergne cet année, il y en aura beaucoup de nouveaux en raison des élections qui viennent de se dérouler il y a peu de temps ! Ee, parité oblige, il y en aura de plus en plus au féminin !