Amics occitans, la cronica Ribon-Ribanha d’ancuei, titrada « Lo solet testimòni. » vos es presentada da Joan-Peire SPIES, president de l’IEO 06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bendas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Aquest tèxte es pareissut en febrier passat dins la revista Vélo Contact dau club de l’US Siran que Joan-
Pèire Spies l’i es licenciat, e que publica un tèxte sieu cad’an.
https://usscyclos.fr//velocontact.php
Lo solet testimòni
L’i podètz demandar…
Vi cunteria tota la fèsta.
Vi diria que l’a vist passar d’ora embé lu enfants ; trenta quilomètres en bicicleta per camins, de
Lavernha a Jonjon, de Rodetas -dont avian retrovat lu caminaires- à la Balbaria, dei Camps au
Brasco… Lo monument, lo concors de bòchas, lu torns de jòstria, l’animacion sus la plaça dau
borg… Lo concèrt de Vanessa davant de la beguda s’acabava, la serada s’anonçava doça.
Vi diria qu’auguèron laissat lo postam de la sala ; la sonò tota siguèt installada de caire de la corteta,
lu computadors, lu fius, lu lumes. Au bèu mitan, lu tauliers dont si pressavan aquelu que venion
querre la sieu sieta pròche dei joves benevolents da la malheta roja.
Sota dei tendas, lo past, l’ambient joiós de li familhas que si recampavan, lo cambajon e lo melon,
la trufada e li saucissas, lo vin de Glanes, sonadas, crids e rires mesclats.
Lo bom bom de li bassas emplissèt pi la nuech, cadun faía bus de non aujar anar sus la pista.
Regardavan lu pichoi qu’èran a córrer e a imitar li coregrafias que veon dins li emissions de
varietats lo sera. Lu sacs d’esquinas plaçats lòng de la paret, una banda de joves si mandèt. Èran
vengudi au país per cas, que porrian campejar au terren d’espòrt, en camin per lo festenau d’Orlhac,
e avian decidit d’aprofichar de la serada ; sautavan coma de cabretas fòli, inventavan de pas e de
vòltas, brandavan lu berris en si rient, si bracejavan per faire de sarabandas veloci que s’arrestavan
autant lèu ; lo sieu plaser faía plaser de veire.
Lo bal èra encaminat !
Vi diria que la pista èra clafida alora, pichoi e grands, joves et vièlhs, e que súbito aperceguèt
Katarina ; l’avia a pena apercebuda que buvia una limonada emé una amiga dau temps dau concèrt
pi, dau fach que non l’avia plus ren vista mentre lo past, non vendria balar aquest vèspre, s’èra
pensat, èra partida. Mas dau bòn èra revenguda, e lo venguèt rajónher ’m’un soguinhe. Li cançons
a la mòda s’encadenavan, balavan meme se non sabian, èran ganhats da la jòia de faire fèsta
ensems. Quora siguèt butat d’esquina, capissèt que li demandavan de menar la farandòla, cen que li
agradèt de faire, una lònga granda farandòla qui prenguèt lo bal tot. Li filhas de Rennas
-mentretemps avia emparat de dont venian- ocupavan da soletas, embé la sieu energia fòla, quasi
una mitan dau bal ; quora una s’arrestava per si pauar, èra basta per un moment cortet, ja tornava
’m’encara mai de vam.
Vi diria que mostrèt a Katarina lo creissant de la mieja luna que plan planin si puava sus de la
pàgina negra d’amont dau tech de la beguda.
Vi diria que balèron fins a la darriera nòta, e si regardèron, urós d’aver estirat aquesta jornada de
fèsta.
Vi diria que volia tornar a pen ; alentorn de miejanuech, lo fiu avia pilhat la veitura per rentrar au
vilatge embé lu pichoi que calavan dau sòm.
Vi diria que li prepauèt, ela, de lo ramenar. Dau fach qu’èra montada au borg en velò, l’aneria
querre, anerian ensems fins a Reganha, aià pilheria la veitura e lo meneria a Lascombas.
Vi diria que s’encaminèron, butissant la bicicleta, de còps dins la lutz dau lumenier pi dins l’ombra
que creissia a flor e a mesura que s’en alunhavan ; lu braç s’esfloravan dins l’escur mai prefons,
alora si taisian un momenton, li sieu pensadas encara a remolinar au dintre de la fèsta, escotant lu
bisbilhs de la vida dins lu boissons ; pi pauc a cha pauc tornava créisser la lutz s’avesinant dau lumenier que vèn, si tornavan parlar ; auria vorgut qu’aquesta passejada a bicicleta mas a pen duresse longamai.
Lo velò de Katarina, qu’apontelèt contra de la paret dau garatge, foguèt lo solet testimòni d’aquesta
caminada nuechenca.
Li podètz tanben demandar, curiós que siatz…
Mas non vi dirà lo temps que demorèron a regardar li estèlas, garderà lo segret rapòrt a cen que si
diguèron d’aquesta nuech, rapòrt a cen que lu sieus uelhs e li sieu mans si diguèron d’aquesta
nuech.
Joan-Pèire Spies
Le seul témoin
Vous pouvez toujours lui demander…
Il vous raconterait toute la fête.
Il vous dirait qu’il l’a vu passer de bon matin avec les enfants ; trente kilomètres sur les chemins, de
Lavergne à Jonjon, de Roudettes -où ils avaient retrouvé les marcheurs- à la Balbarie, des Camps au
Brascou… Le monument, le concours de boules, les tours de manège, l’animation sur la place du bourg…
Le concert de Vanessa se terminait devant le bistrot, la soirée s’annonçait douce.
Il vous dirait qu’on avait délaissé le parquet de la salle ; toute la sono avait été installé sur le côté de la
cour, les ordinateurs, les câbles, les projecteurs. Au milieu, les tables où se pressaient, à la queue leu leu,
ceux qui venaient se faire servir par les jeunes bénévoles tout de rouge vêtus.
Sous les tentes, le repas, l’ambiance joyeuse des familles qui se rassemblaient, le jambon et le melon, la
truffade et les saucisses, le vin de Glanes, interpellations, cris et rires mêlés.
Puis le boum boum des basses prit la nuit d’assaut, chacun faisait semblant de ne pas oser aller sur la
piste. On regardait les enfants courir et mimer les chorégraphies qu’ils voient dans les émissions de
variétés le soir. Après avoir déposé leurs sacs à dos près du mur, une bande de jeunes se lança. Elles
étaient venues au village un peu par hasard, elles pourraient bivouaquer au terrain de sport pour faire
étape avant d’aller au festival d’Aurillac, et avaient décidé de profiter de la soirée ; elles sautaient comme
des cabris fous, inventaient des pas et des pirouettes, secouaient les cheveux en riant, s’attrapaient par les
bras pour faire de rondes vives qui prenaient fin aussi vite qu’elles avaient commencé ; leur plaisir faisait
plaisir à voir.
C’était parti !
Il vous dirait que la piste était remplie à présent, petits et grands, jeunes et vieux, et que tout à coup il
aperçut Katerine ; il l’avait entrevue alors qu’elle buvait une limonade avec une amie pendant le concert
puis, parce qu’il ne l’avait plus vue pendant le repas, elle ne viendrait pas danser ce soir-là, pensait-il, elle
était partie. Mais si, elle était revenue, et avec un sourire vint le rejoindre. Les tubes se succédaient, on
dansait même si on ne savait pas, on était emporté par la joie de faire ensemble la fête. Lorsqu’il fut
poussé dans le dos, il comprit qu’on lui demandait de guider la farandole, ce qu’il fit avec plaisir, une
longue grande farandole qui emporta tout le bal. Les filles de Rennes -entre temps il avait su d’où elles
venaient- occupaient à elles seules, avec leur folle énergie, presque une moitié du bal ; lorsque une d’elle
s’arrêtait pour une pause, c’était pour un court instant, déjà elle repartait de plus belle.
Il vous dirait qu’à un moment il montra à Katerine le croissant de la demi-lune qui montait lentement sur
la page noire au-dessus du toit du bar.
Il vous dirait qu’il dansèrent jusqu’à la dernière note, et se regardèrent, heureux d’avoir étiré cette journée
de fête.
Il vous dirait qu’il rentrerait à pied ; vers minuit, le fils avait pris la voiture pour retourner au village avec
les enfants qui tombaient de sommeil.
Il vous dirait qu’elle lui proposa de le ramener. Puisqu’elle était montée au bourg en vélo, elle allait le
récupérer, il iraient ensemble jusqu’à Reganha, là elle prendrait la voiture et elle l’emmènerait à
Lascombes.
Il vous dirait qu’ils partirent sur le chemin, poussant ensemble le vélo, quelquefois à la lumière du
lampadaire puis dans l’ombre qui grandissait au fur et à mesure qu’ils s’en éloignaient ; leurs bras se
frôlaient dans l’obscurité plus profonde, ils se taisaient alors un moment, leurs pensées encore en train de
tourbillonner dans la fête, écoutant les murmures de la vie dans les buissons ; puis petit à petit grandissait
de nouveau la lumière à l’approche du prochain lampadaire, de nouveau ils se parlaient ; il aurait voulu
que cette balade à vélo mais à pied durât longtemps encore.
Le vélo que Katerine posa contre le mur du garage fut le seul témoin de cette promenade nocturne.
Vous pouvez bien lui demander, curieux comme vous êtes…
Mais il ne vous dira pas le temps qu’ils restèrent à regarder les étoiles, il gardera le secret sur ce qu’ils se
dirent cette nuit-là, sur ce que leurs yeux et leurs mains se dirent cette nuit-là.
