Amics occitans, la cronica Ribon-Ribanha d’ancuei, titrada « Lei clavèus d’Andrieu. » vos es presentada da Joan-Jaume MURAT, amic de l’IEO 06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bendas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Lei clavèus d’Andrieu.
Andrieu, chaumaire despuei pebre, se decida un bèu jorn de prendre son astrada en man. Avisat que despuei que lo Bus de Cassini sarrèt botiga, lei bricolaires de totei menas èran a la cerca de clavèus, èra l’escasença de venir mercant de clavèus.
N’en parla a son collèga Miquèu lo cap redactor de la famosa revista internacionala « lei Novèlas de la Bauma de Tèrra Amata », que li fai alora promessa de se cargar de li faire una reclama dau tron de dieu dins lo quotidian.
Lendeman matin, tre l’ora dei brossas e de la galoïa escampilhada deis escobaires de la comuna, Andrieu aganta lo jornau per descurbir l’assaber. Orror ! Malur ! Se vei Jèsus sus la crotz amb la reclama que ditz : « amb lei clavèus d’Andrieu n’en aurètz per l’eternitat ! »
Lo paure Andrieu sona tot d’un lo collèga per se plànher, i dire qu’es pas possible un aboriment dau meme, qu’es de crénher fòrt. Fau lèu lèu faire parèisser una rectificacion !
« Te fagues pas de marrit sang, m’en cargui e aquò serà lèu fach ».
Lendeman matin Andrieu se ronce sus lo jornau per descurbir lo dessenh novèu : una crotz vueja, davant ela Jésus jasent au sòu, amb lo tèxte : « amb lei clavèus d’Andrieu aquò seriá pas jamai arribat ! «
Joan-Jaume MURAT
La semença : Pichins clavèus dau sabatier.
Les clous d’André
André, chômeur depuis bien longtemps, décide un beau jour de prendre son destin en main. Sachant que depuis que Bus, le quincailler de la rue Cassini, a fermé boutique, tous les bricoleurs sont à la recherche de clous, c’était pour lui, l’occasion de devenir marchand de clous.
Il s’en ouvre à son collègue Michel, le rédacteur en chef de la fameuse revue internationale « les nouvelles de la grotte de terra Amata », qui lui promet de se charger de lui faire une réclame du feu de dieu dans son quotidien.
Le lendemain matin, à l’heure des brousses et du joyeux essaimage des balayeurs municipaux, André prend le journal pour découvrir l’annonce. Horreur ! malheur ! on y voit Jésus sur la croix avec la réclame qui dit : « avec les clous d’André vous en aurez pour l’éternité »
Le pauvre André téléphone immédiatement à son collègue pour se plaindre, lui dire qu’une telle abomination est impossible ! qu’il faut rapidement faire paraître un rectificatif.
« ne te fais pas de mauvais sang, je m’en charge et ce sera vite fait »
Le lendemain matin André se rue sur le journal pour découvrir le nouveau dessin : une croix vide, Jésus gisant au sol, avec pour commentaire : « avec les clous d’André cela ne serait jamais arrivé ! «
Retròvi embé plasir l’escritura clafida d’imor de Gigi de Niça. Que n’en sigue arremerciat ! Da pichon e da jove èri totjorn ficat en li botigas dei sabatiers. Lo premier en li annadas 50 avia per nom Minini, un sabatier d’origina italiana que travalhava au pen de maion, camin de l’aubre sotran a Niça, doi autres Piata e Jàcol d’Mariana travalhavan au vilatge de Sent Pier en Itàlia dont passavi li mieu vacanças l’estiu. Aquestu luecs a odor fòrta de pega èran de luecs de rescòntres e de convivialitat. A 14 ans, dau temps dei vacanças, anèri pi travalhar un mes en usina en lo quartier de Sant Ròc, a cò d’un amic de la familha, monsur Ferranti, a fabricar de cauçuras. En aquestu luecs emparèri totplen sus lo mestier de sabatier e sus lo vocabulari especific qu’emplegavan per lo nom dei clavèus : semença, taqueta… Un mestier qu’a esquasi despareissut au jorn d’ancuei.
Roger Gilli
Es d’imor de l’escòla Pèire Merle que d’un temps embé lo Joan Jaume l’i frustavam li nòstri braias per emparar la vida. 👍👍👍