Jennifer BARET es sòcia de l’IEO-06 e es finda magistressa a l’escòla bilingüa dei Portegaliers de Niça. Aquest an, Jennifer a 2 classas d’occitan-niçard : ps-ms-gs e gs-cp. (4 nivèus de classa). L’i son doi magistressas per doi lengas : Jennifer per ensenhar basta en niçard e una autra magistressa per ensenhar basta en françés. Aquò demanda totplen de travalh e de cordinacion sobretot per 4 nivèus. Pasmens desiram totplen de coratge ai magistressas per menar a ben la sieu annada escolaresca.
Lu sieus escolans an de 3 a 6 ans e an toi lo desideri d’emparar la lenga.
Ancuei nen regala quauqui anecdòdas tant per faire conóisser cen que fa en classa coma per suscitar perqué pas de vocacions d’ensenhaires/ritz.
Asperam li vòstri reaccions !
AN RESPONDUT A L’ARTICLE :
Joan Pèire: Una visita plena d’ensenhaments !
Jean-Jacques Murat : bessai uros que la vielha cabra escapèt la venda, a l’inquiet pichon que demandèt se Joan Pèire capissèt lo franchimand que i faguèt respondut après aquesta matinada portegaliera ?
Jennifer : Adiéu Joan-Pèire,
Gramàci per la publicacion de l’anecdòta. Ai mandat l’anecdòta ai familhas dei escolans. Bòna jornada ! La baieta.
Robert Oberti : Cau toujou si batre per la nouastra lenga !!!